News At First

News At First

News At First

News At First
 Breaking News

ആധാര്‍ ബന്ധിപ്പിക്കല്‍ സമയപരിധി മാര്‍ച് 31 വരെ നീട്ടി

latest malayalam news,exclusive kerala news,latest news in trivandrum,adhaar linking date extended upto march 31|News At First
07
December 2017
👀126

ന്യൂ ഡല്‍ഹി : ബാങ്ക് അക്കൌണ്ട് അടക്കം 139 സേവനങ്ങള്‍ ആധാറുമായി ബന്ധിപ്പിക്കുന്നതിനുള്ള സമയപരിധി കേന്ദ്രസര്‍ക്കാര്‍ മാര്‍ച്ച്‌ 31 വരെ നീട്ടി. ഇത്  സംബന്ധിച്ച വിജ്ഞാപനം നാളെ ഇറക്കുമെന്ന് അറ്റോര്‍ണി ജനറല്‍ കെ കെ വേണുഗോപാല്‍ സുപ്രീം കോടതിയെ അറിയിച്ചു. സര്‍ക്കാര്‍ സേവനങ്ങള്‍ക്ക് ആധാര്‍ നിര്‍ബന്ധമാക്കുന്നതിനെതിരായ ഹര്‍ജികള്‍ കോടതി അടുത്ത ആഴ്ച പരിഗണിക്കും.

ഇതുവരെ ആധാര്‍ എടുത്തിട്ടില്ലാത്തവര്‍ക്ക് മാത്രമാണ് സമയപരിധി നീട്ടുന്നതിന്‍റെ ആനുകൂല്യം ലഭിക്കുക. നേരത്തെ ബാങ്ക് അക്കൌണ്ടുകള്‍ ആധാറുമായി ബന്ധിപ്പിക്കുന്നതിനുള്ള സമയപരിധി ഡിസംബര്‍ 31 ആയിരുന്നു. ഇതാണ് മാര്‍ച്ചിലേക്ക് നീട്ടിയിരിക്കുന്നത്.  

മൊബൈല്‍ നമ്പരുകള്‍ ആധാറുമായി ബന്ധിപ്പിക്കുന്നതിനുള്ള സമയപരിധി നീട്ടില്ലെന്നാണ് സൂചന. 2018 ഫെബ്രുവരി 6 ആണ് മൊബൈല്‍ നമ്പരുകള്‍ ആധാറുമായി ബന്ധിപ്പിക്കേണ്ട അവസാന തീയതി.

ആധാറിന്‍റെ ഭരണഘടനാ സാധുത ചോദ്യം ചെയ്യുന്ന ഹര്‍ജികള്‍ പരിഗണിക്കാന്‍ ഭരണഘടനാ ബെഞ്ചിന് രൂപം നല്‍കുമെന്ന് ചീഫ് ജസ്റ്റിസ് വ്യക്തമാക്കി.

Related Articles

Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ ന്യൂസ് അറ്റ്‌ ഫസ്റ്റിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.