News At First

News At First

News At First

News At First
 Breaking News

ദേവസ്വം ബോര്‍ഡ്‌ സംവരണത്തിലൂടെ ലക്ഷ്യമിടുന്നത് പാവപെട്ടവരുടെ ഐക്യം : കോടിയേരി

latest news,latest news in malayalam,latest news in kerala,latest news in trivandrum|News At First
23
November 2017
👀104

തിരുവനന്തപുരം: സംവരണം അട്ടിമറിക്കുന്നു എന്നൊക്കെ പറഞ്ഞ് ചിലര്‍ നടത്തുന്ന പ്രഹസനങ്ങള്‍, കഥയറിയാതെ ആട്ടം കാണുന്നവരെപ്പോലെയാണെന്നും സംവരണം സംബന്ധിച്ച്‌ സിപിഐഎം നിലപാട് വ്യക്തമാണെന്നും പാര്‍ട്ടി സംസ്ഥാന സെക്രട്ടറി കോടിയേരി ബാലകൃഷ്ണന്‍. ദേവസ്വം ബോര്‍ഡിലെ സംവരണത്തിലൂടെ പാവപ്പെട്ടവരുടെ ഐക്യമാണ് ലക്ഷ്യമിടുന്നത്. ഇത് എന്‍എസ്‌എസിന്‍റെയോ എസ്‌എന്‍ഡിപിയുടെയോ നിലപാടല്ലെന്നും അദ്ദേഹം പറഞ്ഞു.

നിലവിലുള്ള സംവരണരീതി നിലനിര്‍ത്തിക്കൊണ്ട് മുന്നോക്കക്കാരിലെ പിന്നോക്കക്കാര്‍ക്ക് സംവരണം നല്‍കണമെന്നാണ് പാര്‍ട്ടി നിലപാട്. മണ്ഡല്‍ കമ്മീഷന്‍ റിപ്പോര്‍ട്ടിനെതിരെ ബിജെപി എതിര്‍പ്പുമായി വന്നു. എന്നാല്‍ സിപിഐഎം നടപ്പാക്കാന്‍ ആവശ്യപ്പെട്ടു. അങ്ങനെയാണ് 27 ശതമാനം സംവരണം പിന്നോക്ക വിഭാഗങ്ങള്‍ക്ക് ലഭിച്ചത്. 1990-ല്‍ ഇതുസംബന്ധിച്ച ചര്‍ച്ചകളില്‍ പങ്കെടുത്ത് മുന്നോക്കക്കാരില്‍ സാമ്പത്തികമായി പിന്നോക്കം നില്‍ക്കുന്നവര്‍ക്ക് സംവരണം നല്‍കണമെന്ന് സിപിഐഎം പറഞ്ഞു. 1991-ലെ തെരഞ്ഞെടുപ്പിലും ഇതേ നിലപാടാണ് സ്വീകരിച്ചത്. ദേവസ്വം ബോര്‍ഡില്‍ ഇതുവരെ പിന്നോക്ക വിഭാഗങ്ങള്‍ക്ക് സംവരണം ലഭിച്ചിരുന്നില്ല. എല്‍ഡിഎഫ് സര്‍ക്കാര്‍ സംവരണം ഇല്ലാത്ത മേഖലയില്‍ അത് കൊണ്ടുവരികയാണ് ചെയ്തത്. പി എസ് സി മാതൃകയില്‍ ദേവസ്വം റിക്രൂട്ട്മെന്‍റ് ബോര്‍ഡ് നിയമനം നടപ്പാക്കിയപ്പോള്‍ മുസ്ലീം, ക്രിസ്ത്യന്‍  വിഭാഗങ്ങള്‍ക്കുള്ള 18 ശതമാനം സംവരണം ആര്‍ക്ക് കൊടുക്കണമെന്നത് പരിഗണിച്ചു. ഇത് പൊതുവിഭാഗത്തിലേക്ക് പോയാല്‍ പൊതുക്വോട്ട 68 ശതമാനമാകും. അതുകൊണ്ട് പിന്നോക്ക സമുദായത്തിനകത്ത് സംവരണ തോത് ഉയര്‍ത്താന്‍ തീരുമാനിച്ചു.

ഈഴവ സമുദായത്തിന് 14 ശതമാനം സംവരണമായിരുന്നത് സര്‍ക്കാര്‍ നടപടിയിലൂടെ 17 ശതമാനമായി. എസ് സി, എസ് ടി വിഭാഗങ്ങള്‍ക്ക് 10 ശതമാനമായിരുന്നത് 12 ശതമാനം ആയി. മറ്റ് പിന്നോക്കവിഭാഗങ്ങള്‍ക്ക് മൂന്ന് ശതമാനമായിരുന്നത് ആറ് ശതമാനവുമായി. 10 ശതമാനം മുന്നോക്കവിഭാഗത്തിലെ ഏറ്റവും പിന്നോക്ക വിഭാഗക്കാര്‍ക്ക് നല്‍കാന്‍ തീരുമാനിച്ചു. ഈ നടപടിയില്‍ ഭരണഘടനാ ലംഘനമില്ല. ഇത്തരം വസ്തുതകള്‍ മറച്ചുവെച്ച്‌ സംവരണം അട്ടിമറിച്ചെന്ന് പറഞ്ഞ് സാമുദായിക ധ്രുവീകരണം നടത്താനുള്ള ചില സംഘടനകളുടെ ശ്രമങ്ങളില്‍ ജനങ്ങള്‍ പെട്ടുപോകരുതെന്നും കോടിയേരി വ്യക്തമാക്കി.

Related Articles

Comments

ഇവിടെ പോസ്റ്റു ചെയ്യുന്ന അഭിപ്രായങ്ങൾ ന്യൂസ് അറ്റ്‌ ഫസ്റ്റിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.