പാ​പ്പി​നി​ശ്ശേ​രി: ദേ​ശീ​യ പ​വ​ര്‍​ലി​ഫ്റ്റി​ങ് ചാ​മ്പ്യ​ന്‍​ഷി​പ്പി​ല്‍ പി​താ​വും മ​ക​ളും മെ​ഡ​ല്‍ നേ​ടി. പാ​പ്പി​നി​ശ്ശേ​രി പ​ഞ്ചാ​യ​ത്തി​ന് സ​മീ​പ​ത്തെ ഓ​ട്ടോ സ്​​റ്റാ​ന്‍​ഡി​ലെ ഡ്രൈ​വ​ര്‍ ശ്യാം ​ഗ്ലാ​ഡ്സ​നും വി​ദ്യാ​ര്‍​ഥി​നി​യാ​യ മ​ക​ളു​മാ​ണ് ഇ​ന്ത്യ​ന്‍ പ​വ​ര്‍ ലി​ഫ്റ്റി​ങ് ചാ​മ്പ്യ​ന്‍ ഷി​പ്പി​ല്‍ മെ​ഡ​ല്‍ നേ​ടി​യ​ത്. മ​ക​ള്‍ ക​ല്യാ​ശ്ശേ​രി ഗ​വ. ഹ​യ​ര്‍ സെ​ക്ക​ന്‍​ഡ​റി​യി​ലെ പ്ല​സ് ടു ​വി​ദ്യാ​ര്‍​ഥി​നി​യാ​യ സാ​നി​യ മ​രി​യ​ക്ക് സ്വ​ര്‍​ണ​മെ​ഡ​ല്‍ ല​ഭി​ച്ച​പ്പോ​ള്‍ പി​താ​വി​ന്​ വെ​ങ്ക​ല മെ​ഡ​ലാ​ണ് ല​ഭി​ച്ച​ത്. ന​വം​ബ​ര്‍ 17 മു​ത​ല്‍ 20 വ​രെ തെ​ല​ങ്കാ​ന​യി​ലാ​യി​രു​ന്നു മ​ത്സ​ര​ങ്ങ​ള്‍. ഇ​ന്ത്യ​ന്‍ പ​വ​ര്‍ ലി​ഫ്റ്റി​ങ് ഫെ​ഡ​റേ​ഷ​നാ​ണ് ദേ​ശീ​യ ത​ല​ത്തി​ല്‍ മ​ത്സ​ര​ങ്ങ​ള്‍ സം​ഘ​ടി​പ്പി​ച്ച​ത്.

ദീ​ര്‍​ഘ​കാ​ല​മാ​യി പാ​പ്പി​നി​ശ്ശേ​രി​യി​ല്‍ ഓ​ട്ടോ​റി​ക്ഷ തൊ​ഴി​ലാ​ളി​യാ​യ ഗ്ലാ​ഡ്സ​ന്‍ ജോ​ലി​ക്കി​ട​യി​ലും പ​വ​ര്‍ ലി​ഫ്റ്റി​ങ് പ​രി​ശീ​ല​ന​ത്തി​ന്​ സ​മ​യം ക​ണ്ടെ​ത്തു​ന്നു​ണ്ട്. പി​താ​വിന്റെ വ​ഴി​യേ​യാ​ണ് മ​ക​ളും ഈ ​രം​ഗ​ത്ത് എ​ത്തി​യ​ത്. ക​ഴി​ഞ്ഞ വ​ര്‍​ഷ​മാ​ണ് സാ​നി​യ ആ​ദ്യ​മാ​യി മ​ത്സ​ര​ത്തി​ല്‍ പ​ങ്കെ​ടു​ത്ത​ത്. തൊ​ട്ട​ടു​ത്ത വ​ര്‍​ഷം​ ത​ന്നെ ദേ​ശീ​യ ത​ല​ത്തി​ല്‍ സ്വ​ര്‍​ണ​മെ​ഡ​ല്‍ നേ​ടാ​ന്‍ സാ​ധി​ച്ചു.

മെ​ഡ​ല്‍ ജേ​താ​ക്ക​ള്‍​ക്ക് പാ​പ്പി​നി​ശ്ശേ​രി​യി​ലെ ഓ​ട്ടോ തൊ​ഴി​ലാ​ളി​ക​ള്‍ ആ​വേ​ശ​ക​ര​മാ​യ വ​ര​വേ​ല്‍​പ് ന​ല്‍​കി. ഇ​രു​വ​രെ​യും ഓ​ട്ടോ കാ​രി​യ​റി​ല്‍ ക​യ​റ്റി തൊ​ഴി​ലാ​ളി​ക​ള്‍ ചേ​ര്‍​ന്ന് പാ​പ്പി​നി​ശ്ശേ​രി ടൗ​ണി​ല്‍ ആ​ന​യി​ച്ചു. കെ.​വി. സു​മേ​ഷ് എം.​എ​ല്‍.​എ​യും ഗ്ലാ​ഡ്സന്റെ പാ​റ​ക്ക​ലി​ലെ വീ​ട്ടി​ലെ​ത്തി അ​നു​മോ​ദി​ച്ചു.