തന്നെ കള്ളക്കേസില്‍ കുടുക്കിയത് രാജ്യത്തെ ഏറ്റവും വലിയ രാഷ്ട്രീയ പാര്‍ട്ടിയാണ്. ഈ കേസ് ഇ ഡി കെട്ടിച്ചമച്ചതാണ്. കേസ് കെട്ടിച്ചമച്ചതല്ല എന്ന് തെളിയിക്കാന്‍ അന്വേഷണ ഏജന്‍സികള്‍ക്ക് തെളിവുണ്ടോ എന്നും ബിനീഷ് ചോദിച്ചു.

ഇ ഡി പറഞ്ഞത് അനുസരിക്കാന്‍ തയ്യാറായിരുന്നെങ്കില്‍ പത്തുദിവസം കൊണ്ട് ജയിലില്‍ നിന്ന് പുറത്തിറങ്ങാമായിരുന്നുവെന്നും ഭരണകൂടത്തിന് അനഭിമതരാവുന്നവരെ കൈകാര്യം ചെയ്യുന്നത് ഈ വിധത്തിലാണെന്നും ബിനീഷ് പറഞ്ഞു. 

കേരളത്തിലെത്തിയ ശേഷം കാര്യങ്ങൾ വിശദമായി പറയാമെന്നും ജയില്‍ മോചിതനായ ബിനീഷ് കോടിയേരി വ്യക്തമാക്കി.

ലഹരിമരുന്ന് ഇടപാടിന്റെ മറവില്‍ കള്ളപ്പണം വെളുപ്പിച്ചെന്ന കേസില്‍ തെളിവുകളൊന്നും കോടതിയില്‍ സമര്‍പ്പിക്കാന്‍ അന്വേഷണ സംഘത്തിനായിരുന്നില്ല.

കഴിഞ്ഞ ദിവസം കര്‍ണ്ണാടക ഹൈക്കോടതിയാണ്‌ ബിനീഷിന്‌ ജാമ്യം അനുവദിച്ചത്‌. ഒരു കേന്ദ്രസര്‍ക്കാര്‍ ജീവനക്കാരനും പോലീസ്‌ കോണ്‍സ്റ്റബിളുമാണ്‌ ബിനീഷിന്‌ ജാമ്യം നിന്നത്‌.