പാചകം ഒരു കലയാണെന്നു പറയുന്നത് എത്രയോ ശെരിയാണ്. സോൾട്ട് ആൻഡ് പെപ്പെർ സിനിമയിലേതുപോലെ പാചകത്തെയും രുചിയെയും അറിയാനും അതിനെ കുറിച്ച് കൂടുതൽ പഠിക്കാനും സ്വദേറും വിഭവങ്ങൾ ഉണ്ടാകുവാനും ഒരു പ്രതേക കഴിവ് തന്നെ വേണം. അതുകൊണ്ട് തന്നെ അതിനു ചില അത്യാവിശ നുറുങ്ങുവിദ്യകൾ കൂടി അറിഞ്ഞിരിക്കേണ്ടതുണ്ട്. നമുക്ക് നോകാം എന്തൊക്കെയാണ് ആ വഴികളെന്നു...

• കറിവയ്ക്കുമ്പോൾ കഷണങ്ങളുടെ നിറം മങ്ങാതിരിക്കാന്‍ കറിയില്‍ അല്‍പം പഞ്ചസാരയോ വിനാഗിരിയോ നാരങ്ങാനീരോ ചേര്‍ത്താല്‍ മതി.
• അധികനേരം വേവിച്ചാല്‍ പച്ചക്കറികളിലെ പോഷകാംശങ്ങള്‍ നഷ്ടപ്പെട്ടു പോകും, അതുകൊണ്ട് അധികം വേവിക്കാതെ എടുക്കുക.
• പച്ചക്കറികള്‍ നന്നായി കഴുകിയെടുത്ത ശേഷം മാത്രം കറിയ്ക്കായി അരിഞ്ഞെടുക്കുക. അരിഞ്ഞ ശേഷം കഴുകിയാല്‍ പച്ചക്കറികളിലെ പോഷകാംശങ്ങള്‍ നഷ്ടപ്പെട്ടുപോകും. വൃത്തിയായി കഴുകിയെടുത്ത പച്ചക്കറികള്‍ തൊലിയോടുകൂടി വേവിക്കുന്നതാണ് പോഷകാംശങ്ങള്‍ നഷ്ടപ്പെട്ടു പോകാതിരിക്കാന്‍ ഏറെ നല്ലത്.
• പച്ചക്കറികള്‍ അരിയുമ്ബോള്‍ കൈയില്‍ കറ പുരണ്ടാല്‍ ഒരു കഷണം ഉരുളക്കിഴങ്ങ് മുറിച്ച്‌ കൈയ്യില്‍ കറയുള്ളിടത്തായി ഉരച്ചാല്‍ മതി കറ മാറിക്കിട്ടും. ഉരുളക്കിഴങ്ങ് അരിഞ്ഞത് തണുത്തവെള്ളത്തില്‍ ഇട്ടുവച്ചിരുന്നാല്‍ ഇത് വാടുന്നതും കറുത്ത നിറമാകുന്നതും തടയാം.
• വാടിയ കാരറ്റ്, ബീറ്റ്റൂട്ട് എന്നിവ അരമണിക്കൂര്‍ നേരം ഉപ്പുവെള്ളത്തില്‍ ഇട്ടുവച്ചിരുന്നാല്‍ വീണ്ടും ഫ്രഷ് ആയി കിട്ടും.
• ഉരുളക്കിഴങ്ങ് പുഴുങ്ങുന്ന വെള്ളത്തില്‍ ചെറുനാരങ്ങയുടെ നീര് കൂടി ചേര്‍ത്താല്‍ കിഴങ്ങ് നന്നായി വെന്തു കിട്ടുമെന്ന് മാത്രമല്ല രുചിയും കൂടുതലായിരിക്കും.
• കറിയില്‍ ഉപ്പ് കൂടിപ്പോയാല്‍ അതില്‍ ഉരുളക്കിഴങ്ങു കഷണങ്ങള്‍ ചേര്‍ത്ത് അടച്ചുവെച്ച്‌ വിളമ്പുന്നതിന് മുൻപ് ഇവ കറിയില്‍ നിന്നും സ്പൂണ്‍ ഉപയോഗിച്ച്‌ കോരിമാറ്റിയാല്‍ മതി. ഉപ്പ് കുറഞ്ഞിട്ടുണ്ടാകും.
• കറിയ്ക്ക് ഉള്ളി അരച്ചു ചേര്‍ക്കുമ്ബോള്‍ അതിനോടൊപ്പം ഇഞ്ചിയോ പച്ചമുളകോ ചേര്‍ത്തരച്ചാല്‍ ഉള്ളിയുടെ മണം കുറഞ്ഞു കിട്ടുമെന്ന് മാത്രമല്ല രുചിയും കൂടുതലായിരിക്കും.
• കാബേജ് പാചകം ചെയ്യുമ്പോള്‍ അതിലേക്ക് കുറച്ച്‌ നാരങ്ങാനീര് കൂടി ചേര്‍ത്താല്‍ കാബേജിന്റെ മണം മാറിക്കിട്ടും. കാബേജ് അരിഞ്ഞ് ഉപ്പ് പുരട്ടി 10 മിനിറ്റ് വയ്ക്കുക. ശേഷം കാബേജ് നന്നായി കൈ കൊണ്ട് അമര്‍ത്തി പിഴിഞ്ഞ് അതിലെ വെള്ളം മുഴുവന്‍ കളയുക. അതിന് ശേഷം തോരന്‍ വച്ചാല്‍ അതിന് നല്ല രുചിയായിരിക്കും.
• സവാള ഫ്രിഡ്ജില്‍ വച്ച്‌ നന്നായി തണുപ്പിച്ച ശേഷം അരിയുകയാണെങ്കില്‍ കണ്ണില്‍ നിന്നും വെള്ളം വരുന്ന പ്രശ്നം പരിഹരിക്കാം. പക്ഷേ അരിഞ്ഞുവെച്ചിരിക്കുന്ന ഉള്ളിയുടെ തണുപ്പ് പൂര്‍ണമായും മാറിയശേഷമേ കറിയ്ക്കായി ഉപയോഗിക്കാവൂ.