ഡല്‍ഹി: റിസര്‍വ്വ് ബാങ്ക് ഓഫ് ഇന്ത്യ (ആര്‍ ബി ഐ) ഓഫീസില്‍ അറ്റന്‍ഡന്‍റ് തസ്തികയിലേക്ക് അപേക്ഷകള്‍ ക്ഷണിച്ചു. 841 ഒഴിവുകളാണുള്ളത്. കേരളത്തിലും ഒഴിവുകളുണ്ട്. പത്താം ക്ലാസ് ആണ് അപേക്ഷിക്കുവാനുള്ള യോഗ്യത. ഓണ്‍ലൈനായി അപേക്ഷിക്കാം. ശമ്പളം: 26,508 രൂപ.

അപേക്ഷകള്‍ അയക്കുവാന്‍ മാര്‍ച്ച്‌ 15 വരെയാണ് അവസരം. അപേക്ഷാ ഫീസ് 450 രൂപയാണ്, സംവരണ വിഭാഗക്കാര്‍ 50 രൂപ ഫീസ് അടച്ചാല്‍ മതിയാകും. ഡെബിറ്റ് കാര്‍ഡ്/ ക്രെഡിറ്റ് കാര്‍ഡ് മുഖേനെ ഫീസ് അടയ്ക്കാവുന്നതാണ്. വിശദ വിവരങ്ങള്‍ക്കും അപേക്ഷ അയക്കുന്നതിനുമായി www.rbi.org.in എന്ന വെബ് സൈറ്റ് സന്ദര്‍ശിക്കുക.

പ്രായ പരിധി: 18-25 വയസ്. അപേക്ഷകര്‍ 02/02/1996നു മുന്‍പോ 01/02/2003നു ശേഷമോ ജനിച്ചവര്‍ ആകരുത്. എസ്.സി/ എസ്.ടി വിഭാഗത്തിന് 5 വയസും, ഒ.ബി.സിക്ക് 3 വയസും ഉയര്‍ന്ന പ്രായ പരിധിയില്‍ ഇളവ് ലഭ്യമാകും. മറ്റ് സംവരണ വിഭാഗക്കാര്‍ക്കും ചട്ടപ്രകാരമുള്ള വയസ് ഇളവുകള്‍ ലഭ്യമാകും.