വാഷിങ്ങ്ടന്‍: അമേരിക്കന്‍ പ്രസിഡന്റായുള്ള സ്ഥാനാരോഹണത്തിന് മുന്‍പ് തന്നെ ആദ്യ 10 ദിവസത്തേക്കുള്ള പദ്ധതികള്‍ പുറത്തുവിട്ട് ജോ ബൈഡന്‍. ട്രംപിന്റെ കാലത്ത് വിവാദമായ പല തീരുമാനങ്ങളും പിന്‍വലിക്കുന്നത് ഉള്‍പ്പെടെ ഈ പദ്ധതികളിലുണ്ട്. വിശദാംശങ്ങള്‍ ബൈഡന്റെ ചീഫ് ഓഫ് സ്റ്റാഫായ റോണ്‍ ക്ലെയിന്‍ സീനിയര്‍ സ്റ്റാഫുകള്‍ക്ക് നല്‍കിക്കഴിഞ്ഞു.

'അണ്‍ ട്രംപ് അമേരിക്ക'യെന്ന അനൗപചാരിക തലക്കെട്ടാണ് ബൈഡന്റെ പത്ത് ദിന പദ്ധതികള്‍ക്ക് അമേരിക്കക്കാര്‍ നല്‍കിയിരിക്കുന്നത്. കൃത്യമായ ആസൂത്രണത്തോടു കൂടിയ ഭരണകൂടമായിരിക്കും തന്റേതെന്ന സന്ദേശമാണ് ജോ ബൈഡന്‍ ലോകത്തിന് നല്‍കിയത്. മുസ്ലീംപ്രദേശങ്ങളിലെ യാത്രാവിലക്ക് പിന്‍വലിക്കുകയെന്നതാണ് ബൈഡന്‍ അജണ്ടയിലെ ഒന്നാമത്തെ ഇനം. പാരീസ് കാലാവസ്ഥാ ഉടമ്പടിയില്‍ വീണ്ടും സഹകരിക്കുക എന്നതിനാണ് അടുത്ത പരിഗണന. വിദ്യാര്‍ത്ഥികളുടെ വായ്പയ്ക്കുള്ള വിലക്ക് നീക്കുകയെന്നതും പത്ത് ദിന പദ്ധതികളില്‍പ്പെടുന്നു.

മാസ്‌ക്കിനെ പുച്ഛത്തോടെ കണ്ടിരുന്ന ഡൊണാള്‍ഡ് ട്രംപിന്റെ നിലപാടുകള്‍ക്ക് ഘടകവിരുദ്ധമായി മാസ്‌ക്ക് ധാരണം നിര്‍ബന്ധമാക്കുന്നതും ബൈഡന്‍ അജണ്ടയിലുണ്ട്. ഇതിനൊക്കെ പുറമേ 1.9 ലക്ഷം കോടി ഡോളറിന്റെ കൊവിഡ് സമാശ്വാസ പാക്കേജും ബൈഡന്‍ വിഭാവനം ചെയ്യുന്നു.

ആദ്യ 100 ദിവസത്തിനുള്ളില്‍ 100 മില്ല്യണ്‍ ഡോസ് കൊവിഡ് വാക്‌സിന്‍ വിതരണം ചെയ്യുമെന്നും ബൈഡന്റെ പ്രഖ്യാപനത്തിലുണ്ട്. ആദ്യ 10 ദിവസത്തിനുള്ളില്‍ തന്നെ ട്രംപിന്റെ നയങ്ങള്‍ പൊളിച്ചെഴുതാനുള്ള തീരുമാനത്തിലാണ് ബൈഡന്‍. കുടിയേറ്റ നിയമങ്ങളിലും സമ്പൂര്‍ണ അഴിച്ചുപണിയാണ് ബൈഡന്‍ ലക്ഷ്യമിടുന്നത്. വര്‍ക്ക് വീസ സംവിധാനവും എച്ച്1ബി വീസ നിയമങ്ങളിലെ കാര്‍ക്കശ്യവുമെല്ലാം മാറ്റത്തിന് വിധേയമാകുമെന്നാണ് വിലയിരുത്തല്‍.

ജോ ​ബൈ​ഡ​ന്‍ ഇ​ന്ന് അ​ധി​കാ​ര​മേ​ല്‍​ക്കും

അ​മേ​രി​ക്ക​യു​ടെ 46-ാമ​ത് പ്ര​സി​ഡ​ന്‍റാ​യി ജോ ​ബൈ​ഡ​ന്‍ ഇ​ന്ന് അ​ധി​കാ​ര​മേ​ല്‍​ക്കും. ഇ​ന്ത്യ​ന്‍ സ​മ​യം രാ​ത്രി ഒ​മ്പ​ത​ര​യോ​ടെ ച​ട​ങ്ങു​ക​ള്‍​ക്ക് തു​ട​ക്ക​മാ​കും. ഇന്ത്യന്‍ വംശജര്‍ക്ക് അഭിമാനമായി ക​മ​ല ഹാ​രി​സും ആദ്യ വനിതാ വൈ​സ് പ്ര​സി​ഡ​ന്‍റാ​യി ഇ​ന്ന് അ​ധി​കാ​ര​മേ​ല്‍​ക്കും. അ​ക്ര​മ സാ​ധ്യ​ത മു​ന്‍​പി​ല്‍ ക​ണ്ട് വാ​ഷിം​ഗ്ട​ണി​ല്‍ വ​ന്‍ സു​ര​ക്ഷാ സ​ന്നാ​ഹ​മാ​ണ് ഒ​രു​ക്കി​യി​രി​ക്കു​ന്ന​ത്.

സ​ത്യ​പ്ര​തി​ജ്ഞാ ച​ട​ങ്ങു​ക​ള്‍​ക്കാ​യി സ്വ​കാ​ര്യ വി​മാ​ന​ത്തില്‍ ജോ ​ബൈ​ഡ​ന്‍ വാ​ഷിം​ഗ്ട​ണി​ലെ​ത്തി. ​ച​ട​ങ്ങി​ല്‍ ഡോ​ണ​ള്‍​ഡ് ട്രം​പ് പ​ങ്കെ​ടു​ക്കി​ല്ല.

അ​മേ​രി​ക്ക​യി​ലു​ള്ള ഇ​ന്ത്യ​ക്കാ​രു​ള്‍​പ്പെ​ടെ 11 ദ​ശ​ല​ക്ഷം അ​ന​ധി​കൃ​ത കു​ടി​യേ​റ്റ​ക്കാ​ര്‍​ക്ക് ഗു​ണ​ക​ര​മാ​കു​ന്ന പ്ര​ഖ്യാ​പ​ന​ങ്ങ​ളാ​വും സ​ത്യ​പ്ര​തി​ജ്ഞാ ദി​ന​ത്തി​ല്‍ ജോ ​ബൈ​ഡ​ന്‍ ന​ട​ത്തു​ക​യെ​ന്നാ​ണ് നി​ഗ​മ​നം. ഇ​ത്ത​ര​ക്കാ​ര്‍​ക്ക് എ​ട്ട് വ​ര്‍​ഷ​ത്തി​നു​ള്ളി​ല്‍ യു​എ​സ് പൗ​ര​ത്വം ല​ഭി​ക്കാ​ന്‍ പാ​ക​ത്തി​ലു​ള്ള ന​യ​മാ​വും ബൈ​ഡ​ന്‍ പ്ര​ഖ്യാ​പി​ക്കു​ക​യെ​ന്ന് അ​ദ്ദേ​ഹ​ത്തോ​ട് അ​ടു​ത്ത വൃ​ത്ത​ങ്ങ​ള്‍ സൂ​ചി​പ്പി​ക്കു​ന്നു.

പടിയിറങ്ങുന്നത് നിറഞ്ഞ സന്തോഷത്തോടെയെന്ന് ട്രംപ്

വിടവാങ്ങല്‍ പ്രസംഗത്തില്‍ പുതിയ ഭരണത്തിന് ആശംസ നേര്‍ന്ന് സ്ഥാനമൊഴിയുന്ന അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. ജോ ​ബൈ​ഡ​ന്‍റെ പേര് പരാമര്‍ശിക്കാതെയാണ് തന്റെ വിടവാങ്ങല്‍ വീഡിയോ സന്ദേശത്തില്‍ ട്രംപ് ആശംസ നേര്‍ന്നത്. അതേസമയം പുതിയ സര്‍ക്കാരിന്റെ വിജയത്തിനായി പ്രാര്‍ത്ഥിക്കുന്നുവെന്നും പടിയിറങ്ങുന്നത് നിറഞ്ഞ സന്തോഷത്തോടെയും, തൃപ്തിയോടെയുമാണെന്നും ട്രംപ് വ്യക്തമാക്കി. ക്യാപ്പിറ്റോള്‍ കലാപത്തിനെതിരെയും ട്രംപ് പരാമര്‍ശിച്ചു. രാഷ്ട്രീയ അക്രമങ്ങള്‍ രാജ്യത്തിന് ചേര്‍ന്നതല്ലെന്നും പുതിയ യുദ്ധങ്ങള്‍ തുടങ്ങാത്ത പ്രസിഡന്റാണ് താനെന്നതില്‍ അഭിമാനമുണ്ടെന്നും ട്രംപ് പറഞ്ഞു.