Kerala
- News Desk
- 18-01-2021
- Font Size
ചങ്ങനാശേരി: എംസി റോഡിലൂടെ യാത്ര ചെയ്യുന്നവര്‍ക്ക് രണ്ടു രൂപ നാണയം ഇട്ടാല്‍ ഒരു ലിറ്റര്‍ ശുദ്ധജലം ലഭിക്കുന്ന വാട്ടര്‍ എടിഎം പ്രവര്‍ത്തനമാരംഭിച്ചു. ചങ്ങനാശേരി തുരുത്തിയില്‍ ഓഫീസിനു മുന്നിലായാണ് ഇത് സ്ഥാപിച്ചത്. വാട്ടര്‍ എടിഎമ്മിന്റെ പ്രവര്‍ത്തന ഉദ്ഘാടനം ഉമ്മന്‍ ചാണ്ടി എംഎല്‍എ നിര്‍വഹിച്ചു. വാഹന യാത്രികര്‍ക്കായി പ്രധാന പാതയോരത്ത് ആദ്യമായാണ് വാട്ടര്‍ എടിഎം പ്രവര്‍ത്തനം ആരംഭിക്കുന്നത്.
എച്ച്‌ടുഒ കെയര്‍ എന്ന വാട്ടര്‍ ട്രീറ്റ്മെന്റ്, വേസ്റ്റ് വാട്ടര്‍ മാനേജ്മെന്റ് രംഗത്ത് പ്രവര്‍ത്തിക്കുന്ന സ്ഥാപനമാണ് ഈ സംവിധാനം ഒരുക്കിയത്. കോയിന്‍ വൈന്‍ഡിങ് സിസ്റ്റത്തിലാണ് മെഷീന്‍ പ്രവര്‍ത്തനം. നാണയം മെഷീനിലേക്കിട്ടാല്‍ ഒരു ലിറ്റര്‍ ശുദ്ധമായ കുടിവെള്ളം ലഭിക്കും. വെള്ളം കുപ്പികളിലും ശേഖരിക്കാം. ഉപഭോക്താക്കള്‍ക്ക് നല്‍കുന്ന വെള്ളം ഏഴ് ഘട്ടങ്ങളിലൂടെ ശുദ്ധീകരിച്ച ശേഷമാണ് നല്‍കുന്നതെന്ന് എച്ച്‌ടുഒ കെയര്‍ സ്ഥാപനത്തിന്റെ എം ഡി ജോര്‍ജ് സ്കറിയ പറഞ്ഞു.
ഗുണനിലവാരവുമായി ബന്ധപ്പെട്ട ഘടകങ്ങളുടെ റീഡിങ്ങുകള്‍ മെഷീനിലെ സ്ക്രീനില്‍ തെളിയും. സംസ്ഥാനത്തിന്റെ വിവിധ ഭാഗങ്ങളിലായി ആറ് വാട്ടര്‍ എടിഎമ്മുകള്‍ സ്ഥാപിക്കുമെന്നും അദ്ദേഹം പറഞ്ഞു.
Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ ന്യൂസ് അറ്റ്‌ ഫസ്റ്റിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
മലയാളത്തിൽ ഇവിടെ ടൈപ്പ് ചെയ്യാം.
(ctrl+g to swap language)