മുംബൈ: മഹാരാഷ്ട്രയില്‍ ബാന്ദാര ജില്ലയില്‍ ആശുപത്രിയിലുണ്ടായ വന്‍ അഗ്‌നിബാധയില്‍ പത്ത് നവജാത ശിശുക്കള്‍ വെന്ത് മരിച്ചു. ബന്ദാര ജില്ലാ ജനറല്‍ ആശുപത്രിയില്‍ പുലര്‍ച്ചെ രണ്ട് മണിയോടെയാണ് സംഭവമുണ്ടായത്. സിക്ക് ന്യൂബോണ്‍ കെയര്‍ യൂണിറ്റിലാണ് തീപിടിത്തമുണ്ടായിരിക്കുന്നത്. അകത്തുണ്ടായിരുന്ന ഏഴ് കുഞ്ഞുങ്ങളെ രക്ഷിച്ചതായി സിവില്‍ സര്‍ജനായ പ്രമേദ് ഖണ്ടേറ്റ് വ്യക്തമാക്കി.

ഒരു മാസത്തിനും മൂന്നുമാസത്തിനും ഇടയില്‍ പ്രായമായ കുഞ്ഞുങ്ങളാണ്​ അപകടത്തില്‍പ്പെട്ടതെന്ന്​ ഡോക്​ടര്‍ പറഞ്ഞു. മുംബൈയില്‍ നിന്ന്​ 900 കിലോമീറ്റര്‍ അകലെയാണ്​ ആശുപത്രി. ശിവസേനയും എന്‍.സി.പിയും കോണ്‍ഗ്രസും ചേര്‍ന്ന സഖ്യമാണ്​ മഹാരാഷ്​ട്ര ഭരിക്കുന്നത്​.

അതേസമയം,  മരിച്ച കുഞ്ഞുങ്ങളുടെ കുടുംബങ്ങൾക്ക് 5 ലക്ഷം രൂപ വീതം നൽകാൻ മഹാ സർക്കാർ ഉത്തരവിട്ടു‌.

മരിച്ചവരുടെയും പരിക്കേറ്റവരുടെയും കുടുംബങ്ങള്‍ക്ക്​ സാധ്യമായ എല്ലാ സഹായവും നല്‍കണമെന്ന് രാഹുല്‍ ഗാന്ധി

മഹാരാഷ്​ട്രയിലെ സര്‍ക്കാര്‍ ആശുപത്രിയിലുണ്ടായ തീപിടിത്തത്തില്‍ പത്ത് നവജാത ശിശുക്കള്‍ മരിച്ച സംഭവത്തില്‍ അനുശോചനം രേഖ​പ്പെടുത്തി കോ​ണ്‍ഗ്രസ്​ നേതാവ്​ ​രാഹുല്‍ ഗാന്ധി. മരിച്ചവരുടെയും പരിക്കേറ്റവരുടെയും കുടുംബങ്ങള്‍ക്ക്​ സാധ്യമായ എല്ലാ സഹായവും നല്‍കണമെന്ന്​ സംസ്​ഥാന സര്‍ക്കാറിനോട്​ അദ്ദേഹം അഭ്യര്‍ഥിച്ചു.

'മഹാരാഷ്​ട്രയിലെ ഭണ്ഡാര ജില്ല ആശുപത്രിയിലുണ്ടായ തീപിടിത്തത്തില്‍ കുഞ്ഞുങ്ങള്‍ മരിച്ചത്​ ദാരുണമാണ്​. കുഞ്ഞുങ്ങളെ നഷ്​ടമായ എല്ലാ കുടുംബങ്ങള്‍ക്കും അനുശോചനം അറിയിക്കുന്നു. സാധ്യമായ എല്ലാ സഹായങ്ങളും മരിച്ചവരുടെയും പരിക്കേറ്റവരുടെയും കുടുംബങ്ങള്‍ക്ക്​ നല്‍കണമെന്ന്​ മഹാരാഷ്​ട്ര സര്‍ക്കാറിനോട്​ അഭ്യര്‍ഥിക്കുന്നു' -രാഹുല്‍ ഗാന്ധി ട്വിറ്ററില്‍ കുറിച്ചു.

The unfortunate incident of fire at Bhandara District General Hospital in Maharashtra is extremely tragic.

My condolences to the families of the children who lost their lives.

I appeal to Maha Govt to provide every possible assistance to the families of the injured & deceased.

— Rahul Gandhi (@RahulGandhi) January 9, 2021