National
- News Desk
- 20-11-2020
- Font Size
ന്യൂഡല്‍ഹി: കൊവിഡ് വാക്സിന്‍ കൊവാക്സിന്‍റെ മൂന്നാംഘട്ട പരീക്ഷണം ഇന്ന് ആരംഭിക്കും. ഭാരത് ബയോടെക് നിര്‍മ്മിച്ച വാക്സിനാണ് മൂന്നാംഘട്ട മനുഷ്യ പരീക്ഷണത്തിനായി ഇന്ന് തുടക്കമിടുന്നത്. ഹരിയാനയില്‍ തുടങ്ങുന്ന വാക്സിന്‍ പരീക്ഷണത്തില്‍ സംസ്ഥാന ആരോഗ്യമന്ത്രി അനില്‍ വിജ് ആദ്യ ഡോസ് വാക്സിന്‍ സ്വീകരിക്കും. വാക്സിന്‍ പരീക്ഷണത്തിന് സന്നദ്ധനാണെന്ന് മന്ത്രി നേരത്തെ വ്യക്തമാക്കിയിരുന്നു. നിലവില്‍ അഞ്ച് വാക്സിനുകളാണ് ഇന്ത്യയില്‍ ക്ലിനിക്കല്‍ പരീക്ഷണ ഘട്ടത്തിലുള്ളത്. ഓക്സ്ഫര്‍ഡ് സര്വകലാശാല വികസിപ്പിച്ചആസ്ട്ര സിനിക, കാഡില തുടങ്ങിയ വാക്സിനുകളാണ് ഇന്ത്യയില്‍ ക്ലിനിക്കല്‍ പരീക്ഷണം നടന്നുകൊണ്ടിരിക്കുന്നത്.
നിരീക്ഷണത്തിനായി ഡോക്‌ടര്‍മാരുടെ വിദഗ്‌ധ സംഘവുമുണ്ടാകും മന്ത്രി അറിയിച്ചു. ഇന്ത്യയുടെ വാക്‌സിനുകളില്‍ മൂന്നാംഘട്ട പരീക്ഷണം നടക്കുന്നത് കൊവാ‌ക്‌സിന്‍ മാത്രമാണ്. ഐ.സി.എം.ആറുമായി സഹകരിച്ചുള‌ള പരീക്ഷണങ്ങള്‍ക്ക് 26,000 പേരാണ് ഇന്ത്യയിലാകെ സഹകരിക്കുക. ഒന്നും രണ്ടും ഘട്ടങ്ങളില്‍ ആയിരം പേരിലായിരുന്നു പരീക്ഷണം. ഓക്‌സ്‌ഫോര്‍ഡ് സര്വകലാശാല വികസിപ്പിച്ച വാക്‌സിനും ഏതാണ്ട് മൂന്നാമത് പരീക്ഷണഘട്ടം പൂര്‍ത്തിയാക്കാറായിട്ടുണ്ട്. റഷ്യയുടെ സ്പുട്‌നിക് വി വാക്സിന്റെ രണ്ടും മൂന്നും ഘട്ട പരീക്ഷണങ്ങള്‍ ഡോ.റെഡ്‌ഡീസ് ലബോറട്ടറിയില്‍ വൈകാതെ ആരംഭിക്കും.
Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ ന്യൂസ് അറ്റ്‌ ഫസ്റ്റിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
മലയാളത്തിൽ ഇവിടെ ടൈപ്പ് ചെയ്യാം.
(ctrl+g to swap language)