പാ​റ്റ്ന: ബി​ഹാ​റി​ല്‍ സ​ത്യ​പ്ര​തി​ജ്ഞ ചെ​യ്ത് അ​ധി​കാ​ര​മേ​റ്റ​തി​ന്‍റെ മൂ​ന്നാം നാ​ള്‍ വി​ദ്യാ​ഭ്യാ​സ മ​ന്ത്രി രാ​ജി​വ​ച്ചു. നി​യ​മ​ന അ​ഴി​മ​തി ആ​രോ​പ​ണ​ത്തെ തു​ട​ര്‍​ന്ന് മ​ന്ത്രി മേ​വാ​ലാ​ല്‍ ചൗ​ധ​രി ആ​ണ് രാ​ജി​വ​ച്ച​ത്. 

താ​രാ​പു​രി​ല്‍​ നി​ന്നു​ള്ള ജെ​ഡി​യു എം​എ​ല്‍​എ​യാ​യ ഇ​ദ്ദേ​ഹം ഭ​ഗ​ല്‍​പു​ര്‍ വൈ​സ് ചാ​ന്‍​സ​ല​ര്‍ ആ​യി​രി​ക്കെ അ​സി​സ്റ്റ​ന്‍റ് പ്രൊ​ഫ​സ​ര്‍, ജൂ​നി​യ​ര്‍ സ​യ​ന്‍റി​സ്റ്റ് എ​ന്നീ ത​സ്തി​ക​ക​ളി​ലേ​ക്കു​ള്ള നി​യ​മ​ന​ങ്ങ​ളി​ല്‍ ക്ര​മ​ക്കേ​ട് ന​ട​ത്തി​യെ​ന്നാ​ണ് ആ​രോ​പ​ണം. ഇ​ദ്ദേ​ഹ​ത്തി​നെ​തി​രെ ക്ര​മി​ന​ല്‍ കേ​സ് എ​ടു​ക്കു​ക​യും ചെ​യ്തി​രു​ന്നു.

നേ​ര​ത്തെ പ്ര​തി​പ​ക്ഷ​ത്താ​യി​രു​ന്ന ബി​ജെ​പി ആ​ക്ഷേ​പ​മു​യ​ര്‍​ത്തി​യ​തോ​ടെ പാ​ര്‍​ട്ടി​യി​ല്‍​നി​ന്നും സ​സ്പെ​ന്‍​ഡും ചെ​യ്തി​രു​ന്നു. രാ​ഷ്ട്ര​പ​തി രാം​നാ​ഥ് കോ​വി​ന്ദ് അ​ന്ന​ത്തെ ബി​ഹാ​ര്‍ ഗ​വ​ര്‍‌​ണ​ര്‍ ആ​യി​രി​ക്കെ മേ​വാ​ലാ​ലി​നെ​തി​രെ കേ​സെ​ടു​ക്കാ​നും അ​ന്വേ​ഷ​ണം ന​ട​ത്താ​നും അ​നു​മ​തി ന​ല്‍​കി​യി​രു​ന്നു. എ​ന്നാ​ല്‍ 2017 ല്‍ ​ചാ​ര്‍​ജ് ചെ​യ്ത കേ​സി​ല്‍ ഇ​തു​വ​രെ കു​റ്റ​പ​ത്രം സ​മ​ര്‍​പ്പി​ച്ചി​ട്ടി​ല്ല.

അ​ഴി​മ​തി ആ​രോ​പ​ണം നേ​രി​ടു​ന്ന മേ​വാ​ലാ​ലി​നെ മ​ന്ത്രി​സ​ഭ​യി​ല്‍ ഉ​ള്‍​പ്പെ​ടു​ത്തി​യ​തി​നെ​തി​രെ പ്ര​തി​പ​ക്ഷ​മാ​യ ആ​ര്‍​ജെ​ഡി വി​മ​ര്‍​ശ​നം ഉ​ന്ന​യി​ച്ചി​രു​ന്നു. ഇ​തി​ന് പി​ന്നാ​ലെ​യാ​ണ് ജെ​ഡി​യു നേ​താ​വ് മ​ന്ത്രി​സ​ഭ​യി​ല്‍ നി​ന്ന് രാ​ജി​വ​ച്ച​ത്.

ദേ​ശീ​യ ഗാ​ന​ത്തി​ന്‍റെ വ​രി​ക​ള്‍ തെ​റ്റി​ച്ചു പാ​ടി​യെ​ന്ന വി​വാ​ദ​ത്തി​ലും അ​ടു​ത്തി​ടെ അ​ദ്ദേ​ഹം പെ​ട്ടി​രു​ന്നു. 2019-ല്‍ ​ഗ്യാ​സ് സി​ലി​ണ്ട​ര്‍ പൊ​ട്ടി​ത്തെ​റി​ച്ച്‌ ഭാ​ര്യ മ​രി​ച്ച കേ​സി​ലും ചൗ​ധ​രി​യു​ടെ പേ​ര് ഉ​യ​ര്‍​ന്ന് വ​ന്നി​രു​ന്നു.