പ്രദർശന സജ്ജമായ സുൽത്താന്​ ശേഷം കാർത്തി നായകനാവുന്ന പുതിയ സിനിമയ്ക്ക് പൂജ-റെക്കോർഡിങ്ങോടെ ചെന്നൈയിൽ തുടക്കം കുറിച്ചു. കഥയും പ്രോജക്റ്റുകളും വളരെ ശ്രദ്ധാപൂർവം തിരഞ്ഞെടുക്കുന്ന കാർത്തി ഇക്കുറി കൈകോർക്കുന്നത് "ഇരുമ്പു തിരൈ", "ഹീറോ" എന്നീ സൂപ്പർ ഹിറ്റ് സിനിമകളുടെ സംവിധായകൻ ​പി.എസ്.മിത്രനൊപ്പമാണ്. ഈ ഒത്തുചേരൽ തന്നെ ആരാധകരിൽ ഏറെ പ്രതീക്ഷയുണർത്തുന്നതാണ്. ഇനിയും പേരിട്ടിട്ടില്ലാത്ത (പ്രൊഡക്ഷൻ നമ്പർ 4) ഈ സിനിമ ​നിർമ്മിക്കുന്നത് ​ പ്രിൻസ് പിക്ച്ചേഴ്സിന്റെ ബാനറിൽ എസ്. ലക്ഷ്മൺ കുമാറാണ്. ബ്രമ്മാണ്ട ചിത്രമായി അണിഞ്ഞൊരുങ്ങുന്ന ചിത്രത്തിന്റെ സംഗീത സംവിധായകൻ ജി.വി .പ്രകാശ് കുമാറാണ്. ജോർജ് .സി .വില്യംസാണ് ഛായാഗ്രാഹകൻ. ചിത്രത്തിലെ നായിക, മറ്റു അഭിനേതാക്കൾ എന്നിവരെ കുറിച്ചുള്ള വിവരങ്ങൾ ഉടൻ പ്രഖ്യാപിക്കുമെന്ന് നിർമ്മാതാവ് അറിയിച്ചു. ​