Kerala
- News Desk
- 01-11-2020
- Font Size
തിരുവനന്തപുരം: സ്ത്രീകൾക്കും കുട്ടികൾക്കുമെതിരായി നടക്കുന്ന ബലാൽസംഗ-പോക്സോ കേസുകളുടെ വിചാരണകൾ വേഗത്തിലാക്കുവാൻ സംസ്ഥാനത്ത് സജ്ജമാക്കുന്ന ഫാസ്റ്റ്ട്രാക്ക് സ്പെഷ്യൽ കോടതികളിൽ അഞ്ചെണ്ണത്തിൻ്റെ ഉദ്ഘാടനം നാളെ മുഖ്യമന്ത്രി പിണറായി വിജയന്‍ നിർവഹിക്കുന്നു. പ്രത്യേക കോടതികളുടെ അഭാവത്തിൽ ഇത്തരം കേസുകൾ കെട്ടിക്കിടക്കുകയും വിധി നീണ്ടു പോവുകയും ചെയ്യുന്ന സാഹചര്യത്തിലാണ് കേന്ദ്ര സർക്കാരിൻ്റെ 'സ്ത്രീ സുരക്ഷാ മിഷൻ' പദ്ധതിയനുസരിച്ച് എത്രയും പെട്ടെന്ന് ഫാസ്റ്റ്ട്രാക്ക് സ്പെഷ്യൽ കോടതികൾ സ്ഥാപിക്കാൻ കേരള സർക്കാർ തീരുമാനിച്ചത്.
അത്തരത്തിൽ 14 ജില്ലകളിലായി 28 ഫാസ്റ്റ്ട്രാക്ക് കോടതികൾ സ്ഥാപിക്കാനാണ് ഹൈക്കോടതിയോട് സംസ്ഥാന സർക്കാർ നിർദ്ദേശിച്ചത്. ആവശ്യമായ ഫണ്ടും അനുമതിയും സർക്കാർ ലഭ്യമാക്കുകയും കോടതികൾ സ്ഥാപിക്കേണ്ട സ്ഥലങ്ങൾ ഹൈക്കോടതി കണ്ടെത്തുകയും ചെയ്തു.
ഇവയിൽ 17 കോടതികളുടെ പ്രവർത്തനം ഈ വർഷം ജൂലൈ 1 മുതൽ ആരംഭിച്ചു കഴിഞ്ഞു. ശേഷിച്ച 11 കോടതികളിൽ അഞ്ചെണ്ണമാണ് നാളെ മുതൽ പ്രവർത്തനമാരംഭിക്കുന്നത്. ഈ ഫാസ്റ്റ്ട്രാക്ക് സ്പെഷ്യൽ കോടതികളുടെ പ്രവർത്തനം സ്ത്രീകൾക്കും കുട്ടികൾക്കുമെതിരായ അതിക്രമങ്ങളിൽ കൂടുതൽ വേഗത്തിലും ഫലപ്രദമായും നീതി നടപ്പിലാക്കാൻ സഹായകമാകും.
Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ ന്യൂസ് അറ്റ്‌ ഫസ്റ്റിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്‍റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
മലയാളത്തിൽ ഇവിടെ ടൈപ്പ് ചെയ്യാം.
(ctrl+g to swap language)