തി​രു​വ​ന​ന്ത​പു​രം: സംസ്ഥാനത്ത് സമ്പൂര്‍ണ ലോക്ക്ഡൗണ്‍ പ്രഖ്യാപിക്കുന്നത് പ്രായോഗികമല്ലെന്ന് മുഖ്യമന്ത്രി പിണറായി വിജയന്‍. രണ്ടാഴ്ച കൂടി സ്ഥിതി വിലയിരുത്തിയ ശേഷം തീരുമാനിക്കാമെന്നും എല്‍ഡിഎഫ് യോഗത്തിൽ ധാരണയായി. വൈകീട്ട് അഞ്ചരയോടെ ആരംഭിച്ച സര്‍വകക്ഷി യോഗം ഓണ്‍ലൈനായാണ് നടക്കുന്നത്.

സമ്പൂര്‍ണ്ണ ലോക് ഡൗണിനെ പ്രതിപക്ഷവും എതിര്‍ത്തു. അടച്ചു പൂട്ടല്‍ ഒന്നിനും പരിഹാരമല്ലെന്ന് പ്രതിപക്ഷ നേതാവ് രമേശ് ചെന്നിത്തലയും വ്യക്തമാക്കി. കേസുകള്‍ കൂടുന്ന സ്ഥലത്ത് മാത്രം നിയന്ത്രണം മതിയെന്ന് രമേശ് ചെന്നിത്തല യോഗത്തില്‍ പറഞ്ഞു. സമ്പൂര്‍ണ ലോക്ഡോണ്‍ വേണ്ടെന്ന നിലപാട് ഇടതുമുന്നണിയും യോഗത്തെ അറിയിച്ചിരുന്നു.

അതേസമയം, എൽഡിഎഫ് സമരപരിപാടികള്‍ മാറ്റിവെച്ചു. ക​ർ​ശ​ന നി​യ​ന്ത്ര​ങ്ങ​ൾ ന​ട​പ്പാ​ക്കി​യി​ല്ലെ​ങ്കി​ൽ പ്ര​തി​ദി​നം പ​തി​ന​യ്യാ​യി​രം വ​രെ കൊ​വി​ഡ് രോ​ഗി​ക​ൾ ഉ​ണ്ടാ​കാ​ൻ സാ​ധ്യ​ത​യു​ണ്ടെ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ യോഗത്തിൽ അ​റി​യി​ച്ചു.

കൊ​വി​ഡ് വ്യാ​പ​നം ശ​ക്ത​മാ​യ സാ​ഹ​ച​ര്യ​ത്തി​ൽ കോ​ൺ​ഗ്ര​സി​നും ബി​ജെ​പി​ക്കു​മെ​തി​രേ​യു​ള്ള സ​മ​ര​ങ്ങ​ൾ നി​ർ​ത്തി​വ​യ്ക്കാ​നും എ​ൽ​ഡി​എ​ഫ് തീ​രു​മാ​നി​ച്ചു.