തിരുവനന്തപുരം: സംസ്ഥാനത്താകെ കൊവിഡ് ആശങ്കാജനകമായി പടര്‍ന്ന് പിടിക്കുന്ന സാഹചര്യത്തില്‍ ബാങ്കുകളുടെ പ്രവര്‍ത്തന സമയം 10 മുതല്‍ 2 വരെയായി നിജപ്പെടുത്തണമെന്ന് ആള്‍ കേരള ബാങ്ക് എംപ്ലോയീസ് ഫെഡറേഷന്‍. കൂടാതെ, ജീവനക്കാരുടെ ഹാജര്‍ നില 50 ശതമാനമായി കുറയ്ക്കണമെന്നും കണ്ടെയിന്‍മെന്റ് സോണുകളിലെ ശാഖകള്‍ അടച്ചിടണമെന്നും ജനറല്‍ സെക്രട്ടറി സി.ഡി.ജോസണ്‍ ആവശ്യപ്പെട്ടു.

സംസ്ഥാനത്ത് ഇതുവരെ ജോലിസ്ഥലത്ത് നിന്നും 20-ഓളം പേര്‍ക്ക് കൊവിഡ് പിടിപെട്ടു. ഇതില്‍ കാസര്‍ഗോ‌ഡ് ജില്ലയില്‍ ഒരു ശാഖയിലെ ആറുപേര്‍ക്ക് രോഗം സ്ഥിരീകരിച്ചു. കൊവിഡ് വ്യാപന കേന്ദ്രമായി ബാങ്കുകളെ മാ‌റ്റരുതെന്നും മ‌റ്റ് വിവിധ ആവശ്യങ്ങള്‍ ഉന്നയിച്ചും സംസ്ഥാനതല ബാങ്കേഴ്സ് സമിതിക്കും മുഖ്യമന്ത്രിക്കും കത്ത് നല്‍കിയതായി അദ്ദേഹം അറിയിച്ചു.