കൊച്ചി: തിരുവനന്തപുരം വിമാനത്താവളത്തില്‍ നയതന്ത്ര പരിരക്ഷയുള്ള ബാഗേജ് വഴി സ്വര്‍ണം കടത്താന്‍ ശ്രമിച്ച കേസില്‍ പ്രധാന കണ്ണിയെന്ന് സംശയിക്കുന്ന സ്വപ്ന സുരേഷിന്‍റെ മുന്‍‌കൂര്‍ ജാമ്യാപേക്ഷ ചൊവ്വാഴ്ച പരിഗണിക്കുമെന്ന് ഹൈക്കോടതി. ജസ്റ്റിസ് അശോക് മേനോന്റെ ബെഞ്ചാണ് കേസ് പരിഗണിച്ചത്. മുൻകൂർ ജാമ്യാപേക്ഷ എൻഐഎ തടയുകയായിരുന്നു. എന്നാല്‍ സ്വപനയുടെ അറസ്റ്റ് തടഞ്ഞിട്ടില്ല.

കേസിൽ താൻ നിരപരാധിയാണെന്നും കസ്റ്റംസിനോട് ഒന്നും വെളിപ്പെടുത്താനില്ലെന്നുമാണ് സ്വപ്‌നാ സുരേഷ് ജാമ്യാപേക്ഷയിൽ വ്യക്തമാക്കിയിരിക്കുന്നത്. ന​യ​ത​ന്ത്ര ചാ​ന​ല്‍ വ​ഴി സ്വ​ര്‍​ണം ക​ട​ത്തി​യ കേ​സി​ല്‍ യു​എ​ഇ കോ​ണ്‍​സ​ല്‍ ജ​ന​റ​ലി​ന്‍റെ ചു​മ​ത​ല​യു​ള്ള റാ​ഷി​ദ് ഖാ​സി​മി അ​ല്‍ ഷി​മേ​ലി​യു​ടെ നി​ര്‍​ദേ​ശ​മ​നു​സ​രി​ച്ചാ​ണ് ഡി​പ്ലോ​മാ​റ്റി​ക് ബാ​ഗ് വി​ട്ടു​കി​ട്ടാ​ന്‍ ക​സ്റ്റം​സ് അ​സി​സ്റ്റ​ന്‍റ് ക​മ്മീ​ഷ​ണ​റെ താന്‍ വി​ളി​ച്ച​തെ​ന്ന് സ്വ​പ്ന ഹൈ​ക്കോ​ട​തി​യി​ല്‍ ന​ല്‍​കി​യ മു​ന്‍​കൂ​ര്‍ ജാ​മ്യാ​പേ​ക്ഷ​യി​ല്‍ പ​റ​യു​ന്നു. മാ​ധ്യ​മ​വി​ചാ​ര​ണ​യാ​ണ് ഇ​പ്പോ​ള്‍ ന​ട​ക്കു​ന്ന​തെ​ന്ന് അ​വ ര്‍ ​ആ​രോ​പി​ച്ചു. പ​ല​തും വ്യാ​ജ​വാ​ര്‍​ത്ത​ക​ളാ​ണ്. അ​ന്വേ​ഷ​ണ ഉ​ദ്യോ​ഗ​സ്ഥ​നോ​ട് ഒ​ന്നും പ​റ​യാ​നി​ല്ല. ത​ന്നി​ല്‍​നി​ന്ന് ഒ​രു​വി​വ​ര​വും ല​ഭി​ക്കാ​നു​മി​ല്ല. ഇ​തി​നാ​ല്‍ ക​സ്റ്റ​ഡി​യി​ല്‍ ചോ​ദ്യം​ചെ​യ്യേ​ണ്ട​തി​ല്ല. സു​പ്രീംകോ​ട​തി വി​ധി​ക​ള്‍​ക്കു വി​രു​ദ്ധ​മാ​യി ത​ന്‍റെ ചി​ത്ര​ങ്ങ​ള്‍ മാ​ധ്യ​മ​ങ്ങ​ളി​ലൂ​ടെ​യും ഓ​ണ്‍​ലൈ​ന്‍ പ്ലാ​റ്റ്‌​ഫോ​മു​ക​ളി​ലൂ​ടെ​യും പ്ര​ച​രി​പ്പി​ക്കു​ന്നു.

മു​ഖ്യ​മ​ന്ത്രി​യു​ടെ ഓ​ഫീ​സു​മാ​യി ത​നി​ക്കു ബ​ന്ധ​മു​ണ്ടെ​ന്ന ത​ര​ത്തി​ല്‍ ന​ട​ത്തു​ന്ന പ്ര​ച​ര​ണ​ങ്ങ​ള്‍ ശ​രി​യ​ല്ല. ഐ​ടി വ​കു​പ്പി​ന്‍റെ സ്‌​പേ​സ് പാ​ര്‍​ക്ക് എ​ന്ന പ​ദ്ധ​തി​ക്കു​വേ​ണ്ടി പ്രൈ​സ് വാ​ട്ട​ര്‍ ഹൗ​സ് കൂ​പ്പേ​ഴ്‌​സ് എ​ന്ന ക​മ്ബ​നി നി​യോ​ഗി​ച്ച ക​രാ​ര്‍ ജീ​വ​ന​ക്കാ​രി മാ​ത്ര​മാ​ണ് താ​ന്‍.

കേ​സി​ല്‍ ത​നി​ക്കു പ​ങ്കു​ണ്ടെ​ന്ന വ്യാ​ജ​പ്ര​ചാ​ര​ണ​ത്തെ​ത്തു​ട​ര്‍​ന്നാ​ണ് ക​സ്റ്റം​സ് പ്ര​തി​യാ​ക്കാ​ന്‍ ഒ​രു​ങ്ങു​ന്ന​ത്. നി​യ​മ​ന​ട​പ​ടി​ക​ളി​ല്‍​നി​ന്ന് ഒ​ളി​ച്ചോ​ടി​ല്ല. അ​റ​സ്റ്റ് ചെ​യ്താ​ല്‍ കൊ​ച്ചി​യി​ലെ സാ​മ്ബ​ത്തി​ക കു​റ്റ​വി​ചാ​ര​ണ​ച്ചു​മ​ത​ല​യു​ള്ള കോ​ട​തി​യി​ല്‍ ഹാ​ജ​രാ​ക്കി ജാ​മ്യ​ത്തി​ല്‍ വി​ടാ​ന്‍ തി​രു​വ​ന​ന്ത​പു​രം എ​യ​ര്‍ കാ​ര്‍​ഗോ വി​ഭാ​ഗ​ത്തി​ലെ അ​സി​സ്റ്റ​ന്‍റ് ക​മ്മീ​ഷ​ണ​റോ​ട് നി​ര്‍​ദേ​ശി​ക്ക​ണ​മെ​ന്നും സ്വ​പ്ന ഹ​ര്‍​ജി​യി​ല്‍ ആ​വ​ശ്യ​പ്പ​ടു​ന്നു.

സ്വപ്നാ സുരേഷിന്റെ ജാമ്യഹര്‍ജിയെ എതിര്‍ത്ത്, കേന്ദ്ര ഏജൻസികൾക്കായി അഡ്വ. കെ. രാംകുമാർ, അസിസ്റ്റന്റ് സോളിസിറ്റർ ജനറൽ പി. വിജയകുമാർ എന്നിവർ വീഡിയോ കോണ്‍ഫറസിലൂടെ ഹാജരായി. രാജ്യസുരക്ഷയുമായി ബന്ധപ്പെട്ട വിഷയമാണെന്നും സ്വപ്നയെ ചോദ്യം ചെയ്യാതെ കേസ് മുന്നോട്ട് പോകില്ലെന്നും കസ്റ്റംസ് വാദിച്ചു.

'സ്വപ്നാ സുരേഷിന്റെ ജാമ്യാപേക്ഷയില്‍ തന്നെ കുറ്റസമ്മതമുണ്ട്. 2019 സെപ്തംബറില്‍ യുഎഇ കോണ്‍സുലേറ്റിലെ ജോലി രാജിവെച്ചു എന്ന് പറയുന്ന സ്വപ്നാ സുരേഷ് അതിന് ശേഷവും തന്റെ സേവനം കോണ്‍സുലേറ്റ് പ്രയോജനപ്പെടുത്തിയിരുന്നു എന്നും ജാമ്യാപേക്ഷയില്‍ പറയുന്നു. എന്തിനാണ് ഇങ്ങനെ ചെയ്തതെന്ന ചോദ്യത്തിനും സ്വപ്നാ സുരേഷ് മറുപടി പറയണം. സ്വര്‍ണ്ണം പിടിച്ച ശേഷം ആദ്യം വിളി പോയത് സ്വപ്നാ സുരേഷിനായിരുന്നുവെന്നും വക്കീൽ ചൂണ്ടിക്കാട്ടി. അവര്‍ സ്വര്‍ണ്ണം വിട്ടുകൊടുക്കണമെന്ന് കസ്റ്റംസിനോട് ആവശ്യപ്പെട്ടത് എന്തിനാണ്? ഇക്കാര്യം ആവശ്യപ്പെട്ട് കസ്റ്റംസിന് ഇ-മെയില്‍ അയയ്ക്കുകയും ചെയ്തു. കോണ്‍സുലേറ്റില്‍ ഒരു തരത്തിലും അംഗമല്ലാത്ത പുറത്തുള്ള ഒരാള്‍ എന്തിനാണ് ഈ വിഷയത്തില്‍ ഇടപെട്ടത് എന്ന ചോദ്യവും കസ്റ്റംസ് ഹൈക്കോടതിയില്‍ ഉന്നയിച്ചു. പരസ്പര വിരുദ്ധമായ മൊഴികളാണ് ജാമ്യാപേക്ഷയില്‍ നല്‍കിയിട്ടുള്ളത്.'- അഡ്വ. കെ. രാംകുമാർ ചൂണ്ടിക്കാട്ടി.

സ്വര്‍ണം കടത്തിയതിനുപിന്നില്‍ തിരുവനന്തപുരം സ്വദേശികളും യുഎഇ കോണ്‍സുലേറ്റ് മുന്‍ ജീവനക്കാരുമായ സരിത്തിനും സ്വപ്നയ്ക്കും പുറമേ മൂന്നുപേര്‍ കൂടിയുള്ളതായ നിര്‍ണായക വിവരം കസ്റ്റംസിന് ലഭിച്ചിരുന്നു. ചോദ്യം ചെയ്യലില്‍ സരിത്താണ് സൂത്രധാരന്മാര്‍ അഞ്ചുപേര്‍ ആണെന്നുള്ള കാര്യം വെളിപ്പെടുത്തിയത്. കോവിഡ് കാലത്തുമാത്രം മൂന്നുതവണ സംഘം സ്വര്‍ണം കടത്തിയതായും പറഞ്ഞു.

അതേസമയം, സ്വർണക്കടത്ത് കേസ് എൻഐഎ-ക്ക് വിട്ടുകൊണ്ട് കേന്ദ്രസർക്കാർ ഇന്നലെ ഉത്തരവിറക്കിയിരുന്നു. ദേശസുരക്ഷയെ ഗുരുതരമായി ബാധിച്ചേക്കാവുന്ന ഒരു കേസ് എന്ന നിലയിലാണ് കേന്ദ്ര ആഭ്യന്തര മന്ത്രാലയം ഇതിനെ കാണുന്നത്. അതിന്റെ പശ്ചാത്തലത്തിലാണ് ഇപ്പോൾ കേസ് ദേശീയ അന്വേഷണ ഏജൻസിക്ക് കൈമാറിയിരിക്കുന്നത്.

എന്നാല്‍, തിരുവനന്തപുരം സ്വർണക്കടത്ത് കേസിലെ മുഖ്യകണ്ണി കാർബൺ ഡോക്ടർ സ്ഥാപനത്തിന്റെ ഉടമ സന്ദീപ് നായരാണെന്നും, സ്വപ്‌നയും സരിത്തുമായുള്ള ബന്ധം സന്ദീപ് ഉപയോഗപ്പെടുത്തുകയായിരുന്നുവെന്നാണ് കസ്റ്റംസ് പറയുന്നത്. കേസിലെ ഒന്നാം പ്രതി സന്ദീപായിരിക്കുമെന്നാണ് വിവരം. സ്വപ്‌ന രണ്ടാം പ്രതിയും സരിത്ത് മൂന്നാം പ്രതിയുമായിരിക്കും.

തിരുവനന്തപുരം സ്വദേശിയായ സന്ദീപ് നായർക്ക് സ്വപ്‌നയും സരിത്തുമായി ബന്ധമുണ്ടായിരുന്നുവെന്ന വിവരം നേരത്തേ പുറത്തുവന്നിരുന്നു. സ്വപ്‌നയുമായുള്ള സുഹൃത്ത് ബന്ധം സന്ദീപിന്റെ അമ്മ ഉഷ സ്ഥിരീകരിച്ചിരുന്നു.

2018, 2019 വർഷങ്ങളിലെ സർക്കാർ പരിപാടികൾ കസ്റ്റംസ് പരിശോധിക്കും. സ്വർണക്കടത്തിന് സർക്കാർ പരിപാടികൾ മറയാക്കിയെന്ന ആരോപണത്തിന്‍റെ അടിസ്ഥാനത്തിലാണ് ഇക്കാര്യം അന്വേഷിക്കാൻ കസ്റ്റംസും എന്‍.ഐ.എ-യും തീരുമാനിച്ചത്.