കൊച്ചി: വിദേശത്ത് നിന്നും ഡിപ്ലോമാറ്റിക് ബാഗേജില്‍ സ്വര്‍ണം കടത്തിയ സംഭവവുമായി ബന്ധപ്പെട്ട് മുഖ്യമന്ത്രിയുടെ ഓഫിസില്‍ നിന്നും ആരും വിളിച്ചിട്ടില്ലെന്ന് കസ്റ്റംസ് അധികൃതര്‍. മുഖ്യമന്ത്രിയുടെ ഓഫിസില്‍ നിന്നല്ല മറ്റൊരു ഓഫിസില്‍ നിന്നും വിളിച്ചിട്ടില്ലെന്നും കസ്റ്റംസ് അധികൃതര്‍ വ്യക്തമാക്കുന്നു. ഒളിവില്‍ കഴിയുന്ന സ്വപ്‌ന സുരേഷിനായി കസ്റ്റംസ് തിരച്ചില്‍ ഊര്‍ജിതമാക്കവേ, വിദേശത്ത് നിന്ന് ഡിപ്ളോമാറ്റിക് ബാഗേജില്‍ നിരവധി തവണ സ്വര്‍ണം കടത്തിയതായി പിടിയിലായ സരിത്ത് എറണാകുളം കസ്റ്റംസ് പ്രിവന്റീവ് ഓഫീസില്‍ നടത്തിയ ചോദ്യം ചെയ്യലില്‍ വെളിപ്പെടുത്തിയതായാണ് വിവരം. അതേ സമയം പിടിച്ചെടുത്ത സ്വര്‍ണം സ്വര്‍ണം കൊച്ചിയിലെ സാമ്പത്തിക കുറ്റങ്ങള്‍ക്കായുള്ള കോടതിയില്‍ ഹാജരാക്കിയ ശേഷം ലോക്കറിലേക്ക് മാറ്റിയതാണ് വിവരം. 

കഴിഞ്ഞ ദിവസമാണ് ദുബായില്‍ നിന്ന് തിരുവനന്തപുരത്തെത്തിയ വിമാനത്തില്‍ നിന്ന് 15 കോടിയുടെ 30 കിലോ സ്വര്‍ണം പിടികൂടിയത്. എന്നാല്‍ ചോദ്യങ്ങള്‍ക്ക് സരിത്ത് വ്യക്തമായ മറുപടി നല്‍കുന്നില്ലെന്നാണ് കസ്റ്റംസ് പറയുന്നത്. യുഎഇ കോണ്‍സുലേറ്റിലെ മുന്‍ ജീവനക്കാരിയായിരുന്ന സ്വപ്ന സുരേഷുമായി പരിചയമുണ്ടെങ്കിലും സ്വര്‍ണ കടത്തില്‍ പങ്കില്ലെന്നാണ് സരിത്ത് പറയുന്നത്. സരിത്തിനെ ചോദ്യം ചെയ്യുന്നത് ഇന്നലെ രാത്രി വൈകിയും നീണ്ടു.

സ്വപ്നയുടെ പങ്കാളിത്തത്തെ കുറിച്ച് വിശദമായി അന്വേഷിക്കുമെന്ന് കസ്റ്റംസ് വ്യക്തമാക്കി. അതേ സമയം സരിത് തന്റെ ഫോണ്‍ ഫോര്‍മാറ്റ് ചെയ്തതിനു ശേഷമാണ് ചോദ്യം ചെയ്യലിനായി കസ്റ്റംസിനു മുന്നില്‍ ഹാജരായതെന്നാണ് കസ്റ്റംസിന്റെ വിലയിരുത്തല്‍. പല നിര്‍ണായക വിവരങ്ങളും നശിപ്പിക്കപ്പെട്ടിട്ടുണ്ടെന്നാണ് നിഗമന. ഇത് വീണ്ടെടുക്കാനുള്ള ശ്രമത്തിലാണ് കസ്റ്റംസ്.

അതേസമയം, സ്വ​ർ​ണ​ക്ക​ട​ത്ത് കേ​സി​ൽ മു​ഖ്യ​മ​ന്ത്രി​യു​ടെ ഓ​ഫീ​സ് കേ​ന്ദ്രീ​ക​രി​ച്ച് വ​ൻ അ​ഴി​മ​തി ന​ട​ന്ന​താ​യി പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല പറഞ്ഞു. കേ​സി​ൽ സി​ബി​ഐ അ​ന്വേ​ഷ​ണം ആ​വ​ശ്യ​പ്പെ​ട്ട് പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്ക് ക​ത്ത് അ​യ​ച്ചതായും അദ്ദേഹം പറഞ്ഞു. സ​ർ​ക്കാ​രി​നെ​തി​രേ പ്ര​തി​പ​ക്ഷം ഉ​ന്ന​യി​ച്ച ആ​രോ​പ​ണ​ങ്ങ​ൾ തെ​ളി​ഞ്ഞുവെന്നും സ്വർണ്ണക്കടത്ത് ആ​രോ​പ​ണ​ത്തി​ൽ മു​ഖ്യ​മ​ന്ത്രി ബ​ലി​യാ​ടു​ക​ളെ അ​ന്വേ​ഷി​ച്ച് ന​ട​ക്കു​ക​യാ​ണെന്നും ശി​വ​ശ​ങ്ക​റി​നെ സം​ര​ക്ഷി​ക്കാ​നാ​ണ് മു​ഖ്യ​മ​ന്ത്രി ശ്ര​മി​ക്കു​ന്ന​തെന്നും അദ്ദേഹം ആരോപിച്ചു. തൊ​ലി​പ്പു​റ​ത്തെ ചി​കി​ത്സ​കൊ​ണ്ട് കാ​ര്യ​മി​ല്ലെ​ന്നും ഐ.​ടി വ​കു​പ്പി​ലെ അ​ന​ധി​കൃ​ത നി​യ​മ​ന​ങ്ങ​ളി​ൽ അ​ന്വേ​ഷ​ണം വേ​ണ​മെ​ന്നും ചെ​ന്നി​ത്ത​ല ആ​വ​ശ്യ​പ്പെ​ട്ടു.