തിരുവനന്തപുരം: കോ​ടി​ക​ളു​ടെ കു​ടി​ശ്ശി​ക കി​ട്ടാ​താ​യ​തോ​ടെ കാ​രു​ണ്യ ആ​രോ​ഗ്യ സു​ര​ക്ഷ പ​ദ്ധ​തി​യി​ൽ ​നി​ന്ന്​ (കാ​സ്പ്) സ്വ​കാ​ര്യ ആ​ശു​പ​ത്രി​ക​ൾ പി​ന്മാ​റി. ജൂ​ലൈ ഒ​ന്നു​മു​ത​ല്‍ ആ​രോ​ഗ്യ ഇ​ന്‍ഷു​റ​സ് പ​ദ്ധ​തി പ്ര​കാ​രം സൗ​ജ​ന്യ ചി​കി​ത്സ ന​ൽ​കാ​നാ​വി​ല്ലെ​ന്ന് കേ​ര​ള പ്രൈ​വ​റ്റ്​ ഹോ​സ്​​പി​റ്റ​ൽ അ​സോ​സി​യേ​ഷ​ന്‍ സ​ര്‍ക്കാ​റി​നെ അ​റി​യി​ച്ചു.

വെ​ള്ളി​യാ​ഴ്ച മാ​നേ​ജ്‌​മെന്‍റ്​ പ്ര​തി​നി​ധി​ക​ള്‍ യോ​ഗം ചേ​ര്‍ന്നാ​ണ് പി​ന്മാ​റാ​ന്‍ തീ​രു​മാ​ന​മെ​ടു​ത്ത​ത്. വി​വി​ധ ആ​ശു​പ​ത്രി​ക​ള്‍ക്കാ​യി 200 കോ​ടി​യോ​ളം രൂ​പ കു​ടി​ശ്ശി​ക​യു​ണ്ടെ​ന്നാ​ണ് മാ​നേ​ജ്‌​മെന്‍റു​ക​ള്‍ അ​റി​യി​ച്ച​ത്. ഇ​ന്‍ഷു​റ​ന്‍സ് ക​മ്പ​നി​ക്ക് സ​ര്‍ക്കാ​ര്‍ യ​ഥാ​സ​മ​യം പ​ണം കൈ​മാ​റാ​ത്ത​താ​ണ് കു​ടി​ശ്ശി​ക വ​രാ​ന്‍ കാ​ര​ണ​മെ​ന്ന്​ മാ​നേ​ജ്​​മെന്‍റ്​ പ്ര​തി​നി​ധി​ക​ള്‍ പ​റ​ഞ്ഞു.

ക​ഴി​ഞ്ഞ സാ​മ്പ​ത്തി​ക വ​ര്‍ഷ​ത്തെ പ​ദ്ധ​തി ഈ ​മാ​സം 30ന് ​അ​വ​സാ​നി​ക്കും. കോ​വി​ഡ് സാ​ഹ​ച​ര്യ​ത്തി​ലാ​ണ്​ 30 വ​രെ നീ​ട്ടി​യ​ത്. ജൂ​ലൈ ഒ​ന്നു​മു​ത​ല്‍ സം​സ്ഥാ​ന ആ​രോ​ഗ്യ ഏ​ജ​ന്‍സി​ക്ക് ​കീ​ഴി​ല്‍ പ​ദ്ധ​തി ന​ട​ത്താ​നാ​ണ് സ​ര്‍ക്കാ​ര്‍ ആ​ലോ​ച​ന. കാ​രു​ണ്യ ​ബെന​വ​ല​ന്‍റ്​ പ​ദ്ധ​തി​യും ഇ​തി​നു​കീ​ഴി​ലേ​ക്ക് മാ​റ്റും.

അ​തേ​സ​മ​യം, അ​ടു​ത്ത കൊ​ല്ല​ത്തേ​ക്ക് നി​ശ്ച​യി​ച്ച പു​തി​യ ചി​കി​ത്സ നി​ര​ക്കു​ക​ള്‍ സ്വീ​കാ​ര്യ​മ​ല്ലെ​ന്ന് നേ​ര​ത്തേ​ത​ന്നെ മാ​നേ​ജ്‌​മെന്‍റു​ക​ള്‍ അ​റി​യി​ച്ചി​രു​ന്നു. കേ​ന്ദ്ര​സ​ര്‍ക്കാ​റി​ന്‍റെ ആ​യു​ഷ്മാ​ന്‍ ഭാ​ര​ത് പ​ദ്ധ​തി​യു​മാ​യി ചേ​ര്‍ന്നാ​ണ് സം​സ്ഥാ​ന​ത്ത് കാ​രു​ണ്യ ആ​രോ​ഗ്യ ഇ​ന്‍ഷു​റ​ന്‍സ് പ​ദ്ധ​തി ന​ട​പ്പാ​ക്കു​ന്ന​ത്.