Column
- News Desk
- 11-05-2020
- Font Size
പ്രിയപ്പെട്ട വ്യവസായി സുഹൃത്തുക്കളെ,
എല്ലാത്തിനും വില കൂട്ടാനുള്ള ഒരു മാർഗമായി ദയവായി ലോക്ക് ഡൌണിനെ കാണരുത്. ചില സാധനങ്ങൾക്ക് വില കൂട്ടാൻ പോകുന്നു എന്ന വാർത്ത കണ്ടു. നനഞ്ഞിടം കുഴിക്കുന്ന ആ ഏർപ്പാട് വേണ്ട. എങ്കിൽ പിന്നെ അത് പുര കത്തുമ്പോൾ വാഴ വെട്ടുന്ന നെറികെട്ട ഏർപ്പാട് ആയിപ്പോകും.
ലോക്ക് ഡൌൺ കാരണം നഷ്ടം എല്ലാവർക്കും എല്ലാ മേഖലയിലും സംഭവിച്ചിട്ടുണ്ട്. അത് സത്യമാണ്. പക്ഷേ അത് നമ്മൾ ഒരുമിച്ച് മറി കടക്കേണ്ട ഒന്നാണ്. അല്ലാതെ ഉപഭോക്താക്കളുടെ മേൽ അമിത ഭാരം അടിച്ചേൽപ്പിക്കേണ്ട ഒന്നായി അതിനെ കാണരുത്...അങ്ങനെ ചെയ്താൽ അധികമായി ലഭിക്കുന്ന ആ പണം നിങ്ങൾക്ക് ഒരിക്കലും സ്വസ്ഥത തരില്ല. കാരണം ആ പണം ജനങ്ങളുടെ ത്യാഗത്തിന്റേതാണ്. പ്രത്യേകിച്ച് രണ്ടര മാസത്തോളം നാടിനു വേണ്ടി ജോലിയും കൂലിയും നഷ്ടപ്പെടുത്തി, സർക്കാരിന്റെ മാർഗനിർദേശം പാലിച്ച് വീട്ടിൽ ഇരുന്ന സാധാരണക്കാരന്റെ നന്മയുള്ള, ഉത്തരവാദിത്തമുള്ള മനസിന്റേതാണ്....
അതു കൊണ്ട് ഈ അവസ്ഥയിൽ സാധനങ്ങൾക്ക് അമിത വില കൂട്ടി ദയവായി ജനങ്ങളെ ചതിക്കരുത്.
ഇടി വെട്ടിയവനെ പാമ്പ് കടിക്കുന്ന സാഹചര്യം ഉണ്ടാക്കരുത്...
അതുകൊണ്ട് ലോക്ക് ഡൌൺണിനു മുൻപ് വിപണി എങ്ങനെയായിരുന്നോ അതു പോലെ ആയിരിക്കണം ലോക്ക് ഡൌണിനു ശേഷവും...
അത് നില നിർത്തുന്നത്തിനുള്ള പൂർണ ഉത്തരവാദിത്തം കേന്ദ്ര-സംസ്ഥാന സർക്കാരുകൾക്ക് തന്നെയാണ്....
അതിനുള്ള ആർജവം അധികാരികൾ കാണിക്കും എന്ന് വിശ്വസിക്കുന്നു....
ആദ്യം അതിജീവനം... പിന്നെ മതി ലാഭം !
ഈ സമയവും കടന്നു പോകും...!!
നമ്മൾ അതിജീവിക്കും.... !!!
കടപ്പാട്: റെജു. ആര്‍. നായര്‍
Comments
ഇവിടെ പോസ്റ്റു ചെയ്യുന്ന അഭിപ്രായങ്ങൾ ന്യൂസ് അറ്റ്‌ ഫസ്റ്റിന്‍റെതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
മലയാളത്തിൽ ഇവിടെ ടൈപ്പ് ചെയ്യാം.
(ctrl+g to swap language)