കോഴിക്കോട്: മുക്കം പന്നിക്കോട് ഡി.വൈ.എഫ്.ഐ മേഖലാ കമ്മറ്റി നടത്തുന്ന കൃഷിയുടെ ഉദ്ഘാടനം ഡി.വൈഎഫ്.ഐ ബ്ലോക്ക് സെക്രട്ടറി സ: ദിപു പ്രേംനാഥ് കപ്പ നട്ടുകൊണ്ട് നിർവ്വഹിച്ചു.

സി.പി.ഐ.എം പന്നിക്കോട് ലോക്കൽ കമ്മറ്റി അംഗം സ: സുനിയേട്ടൻ വിട്ടുനൽകിയ സ്ഥലം, മേഖലാ കമ്മറ്റി അംഗങ്ങളുടേയും പന്നിക്കോട് സൗത്ത് യൂണിറ്റ് കമ്മറ്റി അംഗങ്ങളുടേയും പരിശ്രമത്തിലൂടെ ഒരുക്കിയെടുത്ത് നൂറോളം തടം കപ്പയും തോട്ടുമുക്കം നവധാര ആർട്സ് & സ്പോർട്സ് ക്ലബ്ബ് സൗജന്യമായി നൽകിയ മത്തൻ, ഇളവൻ, വെണ്ട, വഴുതന, പച്ചമുളക് തുടങ്ങിയ പച്ചക്കറി വിത്തുകളും പാകി. മേഖലാ സെക്രട്ടറി സജിത്ത്, പ്രസിഡന്റ് രാധിക, വൈസ് പ്രസിഡന്‍റ് ജുനൈദ് തെക്കെപ്പാട്ട്, മിഥുൻ, അമർനാഥ് എന്നിവർ നേതൃതം നൽകി.

ഈ പ്രവർത്തനങ്ങൾ തുടർന്ന് മേഖലയിലെ മുഴുവൻ യൂണിറ്റുകളിലേക്കും വ്യാപിപ്പിക്കാനാണ് തീരുമാനം.