ന്യൂ​ഡ​ല്‍​ഹി: ഡ​ല്‍​ഹി ക​ലാ​പ​ത്തി​ല്‍ മു​സ്​​ലിം​ക​ള്‍​ക്കും സ്വ​ത്തു​ക്ക​ള്‍​ക്കും പ​ള്ളി​ക​ള്‍​ക്കും നേ​രെ ന​ട​ന്ന ഭീ​തി​ജ​ന​ക ആ​​ക്ര​മ​ണ​ത്തെ അ​പ​ല​പി​ക്കു​ന്ന​താ​യി ഇസ്​ലാമിക രാജ്യങ്ങളുടെ സഹകരണ സഖ്യം (ഒ.​ഐ.​സി). ഡ​ല്‍​ഹി​യി​ലേ​ത്​ മു​സ്​​ലിം വി​രു​ദ്ധ ക​ലാ​പ​മാ​ണെ​ന്നും ​​ ഉ​ത്ത​ര​വാ​ദി​ക​ളെ നി​യ​മ​ത്തി​ന്​ മു​ന്നി​ല്‍ കൊ​ണ്ടു​വ​ര​ണ​മെ​ന്നും​ ഒ.​ഐ.​സി ആ​വ​ശ്യ​പ്പെ​ട്ടു. അ​ങ്ങേ​യ​റ്റം ഹീ​ന​മാ​യ അ​ക്ര​മ​മാ​ണ്​ ഡ​ല്‍​ഹി​യി​ല്‍ ന​ട​ന്ന​ത്. മു​സ്​​ലിം പൗ​ര​ന്മാ​രു​ടെ സു​ര​ക്ഷി​ത​ത്വം ഉ​റ​പ്പു​വ​രു​ത്ത​ണ​മെ​ന്നും ആ​രാ​ധ​നാ​ല​യ​ങ്ങ​ള്‍​ക്ക്​ സം​ര​ക്ഷ​ണം ന​ല്‍​ക​ണ​മെ​ന്നും ഒ.​ഐ.​സി മോ​ദി സ​ര്‍​ക്കാ​റി​നോ​ട്​ അ​ഭ്യ​ര്‍​ഥി​ച്ചു.

ക​ലാ​പ​ങ്ങ​ളി​ലെ മ​ര​ണ​ങ്ങ​ളി​ല്‍ ദുഃ​ഖം രേ​ഖ​പ്പെ​ടു​ത്തു​ന്ന​താ​യി യു.​എ​ന്‍ സെ​ക്ര​ട്ട​റി ജ​ന​റ​ല്‍ ആ​ന്‍റോ​ണി​യോ ഗു​​ട്ടെ​റ​സ്​ വ്യ​ക്​​ത​മാ​ക്കി. അ​ക്ര​മം അ​മ​ര്‍​ച്ച ചെ​യ്യു​ന്ന​തി​ലെ ഡ​ല്‍​ഹി പൊ​ലീ​സി​ന്‍റെ അ​നാ​സ്​​ഥ​യി​ല്‍ യു.​എ​ന്‍ മ​നു​ഷ്യാ​വ​കാ​ശ ക​മീ​ഷ​ന്‍ അ​ധ്യ​ക്ഷ​ന്‍ മി​ഷേ​ല്‍ ബാ​ച്ച​​ലേ ആ​ശ​ങ്ക അ​റി​യി​ച്ചു. ആ​ള്‍​ക്കൂ​ട്ട ആ​ക്ര​മ​ണ​ങ്ങ​ളി​ല്‍​ നി​ന്ന്​ മു​സ്​​ലിം​ക​ള്‍​ക്കും മ​റ്റ് ദു​ര്‍​ബ​ല വി​ഭാ​ഗ​ങ്ങ​ള്‍​ക്കും സം​ര​ക്ഷ​ണം ന​ല്‍​കാ​ന്‍ ഇ​ന്ത്യ​ന്‍ സ​ര്‍​ക്കാ​ര്‍ ഗൗ​ര​വ​മാ​യി ശ്ര​മി​ക്ക​ണ​മെ​ന്ന്​ മ​ത​സ്വാ​ത​ന്ത്ര്യ​ത്തി​നു​ള്ള യു.​എ​സ്​ ഏ​ജ​ന്‍​സിയും ആ​വ​ശ്യ​പ്പെ​ട്ടു.

സ്വ​ന്തം പൗ​ര​ന്മാ​ര്‍​ക്ക്​ വി​ശ്വാ​സം പ​രി​ഗ​ണി​ക്കാ​തെ ആ​ക്ര​മ​ണ​ങ്ങ​ളി​ല്‍​നി​ന്ന്​ സം​ര​ക്ഷ​ണം ന​ല്‍​കാ​ന്‍ ഇ​ന്ത്യ​ന്‍ സ​ര്‍​ക്കാ​ര്‍ ത​യാ​റാ​വ​ണ​മെ​ന്ന്​ മ​ത​സ്വാ​ത​ന്ത്ര്യ​ത്തി​നു​ള്ള യു.​എ​സ്​ ക​മീ​ഷ​ന്‍ (യു.​എ​സ്.​സി.​ഐ.​ആ​ര്‍.​എ​ഫ്) അ​ധ്യ​ക്ഷ​ന്‍ ടോ​ണി പെ​ര്‍​കി​ന്‍​സ്​ ആ​വ​ശ്യ​പ്പെ​ട്ടു. മു​സ്​​ലിം​ക​ളു​ടെ വീ​ടു​ക​ളും ക​ട​ക​ളും ആ​രാ​ധ​നാ​ല​യ​ങ്ങ​ളും ത​ക​ര്‍​ക്ക​പ്പെ​ടു​ന്ന​ത്​ അ​തി ഗൗ​ര​വ​ത​ര​മാ​ണ്. അ​ത്യ​ന്തം ക്രൂ​ര​വും അ​നി​യ​ന്ത്രി​ത​വു​മാ​യ ആ​ക്ര​മ​ങ്ങ​ള്‍ തു​ട​രാ​ന്‍ അ​നു​വ​ദി​ക്ക​രു​തെ​ന്ന്​ സി.​ഐ.​ആ​ര്‍.​എ​ഫ്. ക​മീ​ഷ​ണ​ര്‍ അ​രു​ണി​മ ഭാ​ര്‍​ഗ​വ​യും ആ​വ​ശ്യ​പ്പെ​ട്ടു.

ഇ​ന്ത്യ​ന്‍ ത​ല​സ്​​ഥാ​ന​ത്ത്​ ന​ട​ന്ന​ത്​ ഹി​ന്ദു​ക്ക​ള്‍ ന​ട​ത്തി​യ മു​സ്​​ലിം കൂ​ട്ട​ക്കൊ​ല​യാ​ണെ​ന്ന്​ തു​ര്‍​ക്കി പ്ര​സി​ഡ​ന്‍​റ്​​ റ​ജ​ബ്​ ത്വ​യ്യി​ബ്​ ഉ​ര്‍​ദു​ഗാ​ന്‍ ആ​രോ​പി​ച്ചു.

അതേസമയം, ഒ.​ഐ.​സി പ്ര​സ്​​താ​വ​ന അ​പ​ക്വ​വും തെ​റ്റി​ദ്ധ​രി​പ്പി​ക്കു​ന്ന​തു​മാ​ണെ​ന്ന്​ ഇ​ന്ത്യ പ്രതികരിച്ചു. ജ​ന​ങ്ങ​ള്‍​ക്ക്​ ആ​ത്​​മ വി​ശ്വാ​സം ന​ല്‍​കാ​നും സാ​ധാ​ര​ണ നി​ല പു​നഃ​സ്​​ഥാ​പി​ക്കാ​നും ശ്ര​മി​ക്കു​ന്നു​ണ്ട്. അ​തി​നി​ട​യ്ക്ക്​ ഒ.​ഐ.​സി​-യെ പോ​ലു​ള്ള സം​ഘ​ട​ന നി​രു​ത്ത​ര​വാ​ദ പ്ര​സ്​​താ​വ​ന ന​ട​ത്ത​രു​തെ​ന്ന്​ വി​ദേ​ശ​കാ​ര്യ മ​​ന്ത്രാ​ല​യ വ​ക്​​താ​വ്​ ര​വീ​ഷ്​ കു​മാ​ര്‍ ആ​വ​ശ്യ​പ്പെ​ട്ടു.