ന്യൂ​ഡ​ല്‍​ഹി: ശ​ബ​രി​മ​ല കേ​സ് വി​ശാ​ല ബെ​ഞ്ചി​ന് വി​ട്ട​ത് സാ​ധു​വാ​യ തീ​രു​മാ​നമാണെ​ന്ന് ശ​രി​വ​ച്ച്‌ സു​പ്രീം​കോ​ട​തി. ശ​ബ​രി​മ​ല കേ​സി​ലെ പ​രി​ഗ​ണ​നാ വി​ഷ​യ​ങ്ങ​ള്‍ തീ​രു​മാ​നി​ച്ചു എ​ന്നും കോ​ട​തി വ്യ​ക്ത​മാ​ക്കി​യി​ട്ടു​ണ്ട്. ര​ണ്ട് വി​ഭാ​ഗ​മാ​യി കേ​സ് പ​രി​ഗ​ണി​ക്കാ​നാ​ണ് തീ​രു​മാ​നമെന്നും ചീ​ഫ് ജ​സ്റ്റീസ് അ​ധ്യ​ക്ഷ​നാ​യ ഒ​ന്‍​പ​തം​ഗ ബെ​ഞ്ച് വി​ധി പ്ര​സ്താ​വി​ച്ചു.

ശബരിമല പുനഃപരിശോധന ഹര്‍ജികളില്‍ വിശാല ബെഞ്ച് രൂപീകരിച്ചത് ചട്ടവിരുദ്ധമാണെന്ന് മുതിര്‍ന്ന അഭിഭാഷകന്‍ ഫാലി എസ് നരിമാന്‍ വാദിച്ചിരുന്നു. പുനഃപരിശോധന ഹര്‍ജികളില്‍ ആദ്യം തീര്‍പ്പ് കല്‍പ്പിക്കണമെന്നും നരിമാന്‍ ആവശ്യപ്പെട്ടിരുന്നു. നരിമാന്റെ വാദത്തെ കേരള സര്‍ക്കാരും പിന്തുണച്ചിരുന്നു. ഇതിനെതിരെയാണ് സുപ്രീംകോടതി വിധി പറഞ്ഞിരിക്കുന്നത്. എല്ലാ എതിര്‍പ്പുകളും ചീഫ് ജസ്റ്റീസ് എസ് എ ബോബ്ഡേ തള്ളി. വാദങ്ങളും എതിര്‍ വാദങ്ങളും നിശ്ചിത സമയത്തിനകം തീരുമാനിക്കണമെന്നും ആരൊക്കെ മുഖ്യവാദങ്ങള്‍ നടത്തണമെന്ന് തീരുമാനിക്കണമെന്നും കോടതി പറഞ്ഞു.

7 പരിഗണനാ വിഷയങ്ങളും സുപ്രീംകോടതി മുന്നോട്ട് വെച്ചു. ഭരണഘടനയുടെ അനുചേദം 25 പ്രകാരമുള്ള മത സ്വാതന്ത്ര്യത്തിന്റെ പരിധി എന്താണ് ? ഭരണഘടനയുടെ ഇരുപത്തിയഞ്ചാം അനുഛേദത്തില്‍ പറയുന്ന 'മൊറാലിറ്റി' യുടെ അര്‍ത്ഥം എന്താണ്? അനുഛേദം 25 നല്‍കുന്ന മതസ്വാതന്ത്ര്യത്തിനുള്ള അവകാശവും അനുഛേദം 26 പ്രകാരം പ്രത്യേക മതവിഭാഗങ്ങള്‍ക്കുള്ള അവകാശവും മറ്റ് മൗലിക അവകാശവുമായി ബന്ധപ്പെടുന്നത് എങ്ങനെ? മത സ്വതന്ത്ര്യവും പ്രത്യേക മത വിഭാഗങ്ങള്‍ക്കുള്ള സ്വതന്ത്ര്യവും തമ്മിലുള്ള ബന്ധം? 17-ന് വാദം കേള്‍ക്കല്‍ വീണ്ടും തുടരും.