ന്യൂഡല്‍ഹി: രാജ്യതലസ്ഥാനത്ത്​ പൗരത്വ നിയമ ഭേദഗതിക്കെതിരായ പ്രതിഷേധങ്ങള്‍ ശക്​തമാകുന്നതിനിടെ,  മാന്‍ഡി ഹൗസിലും സമീപ പ്രദേശങ്ങളിലും നിയമഭേദഗതിക്കെതിരെ പ്രതിഷേധങ്ങളുണ്ടാവുമെന്ന റിപ്പോര്‍ട്ടുകളെ തുടര്‍ന്ന്‍ വീണ്ടും നിരോധനാജ്ഞ പ്രഖ്യാപിച്ച്‌​ ഡല്‍ഹി പൊലീസ്​. ഡെപ്യൂട്ടി പൊലീസ്​ കമീഷണര്‍ ഐഷ്​ സിംഗാളാണ്​ നിരോധനാജ്ഞ പ്രഖ്യാപിച്ച വിവരം അറിയിച്ചത്. ഇതുവരെ ആരെയും അറസ്​റ്റ്​ ചെയ്​തിട്ടില്ലെന്നും കാര്യങ്ങള്‍ ഇപ്പോള്‍ പൊലീസ്​ നിയന്ത്രണത്തിലാണെന്നും അദ്ദേഹം പറഞ്ഞു.

അതേസമയം, മാന്‍ഡി ഹൗസിന്​ ചുറ്റും പ്രതിഷേധകാര്‍​ എത്തി തുടങ്ങിയിട്ടുണ്ട്​. തിങ്കളാഴ്​ചയും ഡല്‍ഹിയില്‍ നിയമഭേദഗതിക്കെതിരായ പ്രതിഷേധങ്ങളുണ്ടായിരുന്നു. ഉത്തര്‍പ്രദേശ്​ ഭവന്‍, അസം ഭവന്‍ എന്നിവക്ക്​ മുന്നില്‍ നിന്ന്​ നൂറുകണക്കിന്​ പ്രതിഷേധക്കാരെയാണ് ഡല്‍ഹി ​പൊലീസ്​​ അറസ്​റ്റ്​ ചെയ്​തത്​​.