ന്യൂ​ഡ​ല്‍​ഹി: പ്ര​തി​പ​ക്ഷ​ത്തി​നെ​തി​രെ പ്ര​ധാ​ന​മ​ന്ത്രി ഉ​ന്ന​യി​ച്ച ആ​രോ​പ​ണ​ങ്ങ​ള്‍ അ​ടി​സ്ഥാ​ന​ര​ഹി​ത​മെ​ന്ന് ജാ​മി​യ മി​ലി​യ സ​ര്‍​വ​ക​ലാ​ശാ​ല​യി​ലെ വി​ദ്യാ​ര്‍​ഥി പ്ര​ക്ഷോ​ഭ​ത്തി​ല്‍ പ​ങ്കെ​ടു​ക്ക​വെ മോ​ദി​യു​ടെ പ്ര​സം​ഗ​ത്തി​ന് മ​റു​പ​ടിയുമായി സി​പി​എം ജ​ന​റ​ല്‍ സെ​ക്ര​ട്ട​റി യെ​ച്ചൂ​രി.  

'പൗ​ര​ത്വ​നി​യ​മം ഭ​ര​ണ​ഘ​ട​ന വി​രു​ദ്ധ​മാ​ണെ​ന്ന് എ​ല്ലാ​വ​ര്‍​ക്കു​മ​റി​യാം. ആ​ര്‍​ക്കും പൗ​ര​ത്വം ന​ല്‍​ക​രു​തെ​ന്ന ആ​വ​ശ്യ​മു​ന്ന​യി​ച്ച​ല്ല പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രെ ന​ട​ത്തു​ന്ന പ്ര​ക്ഷോ​ഭം. ആ​ര്‍​ക്കും പൗ​ര​ത്വം കൊ​ടു​ക്ക​രു​തെ​ന്ന​ല്ല ന​മ്മ​ള്‍ ആ​വ​ശ്യ​പ്പെ​ടു​ന്ന​ത്. അ​തി​ല്‍​നി​ന്ന് മു​സ്ലിം​ക​ളെ മാ​ത്രം ഒ​ഴി​വാ​ക്കു​ന്ന​തി​നെ​യാ​ണ് എ​തി​ര്‍​ക്കു​ന്ന​ത്. എ​ല്ലാ മ​ത​ത്തി​ലു​ള്ള​വ​ര്‍​ക്കും നി​യ​മം ഒ​രു പോ​ലെ ബാ​ധ​ക​മാ​യി​രി​ക്ക​ണം. എ​ന്തു​കൊ​ണ്ട് മു​സ്ലിം​ക​ളെ മാ​ത്രം ഒ​ഴി​വാ​ക്കു​ന്ന​തെ​ന്ന് മോ​ദി വി​ശ​ദീ​ക​രി​ക്ക​ണ​മെ​ന്നും യെ​ച്ചൂ​രി ആ​വ​ശ്യ​പ്പെ​ട്ടു. പീ​ഡ​നം നേ​രി​ട്ട് അ​ഭ​യാ​ര്‍​ഥി​ക​ളാ​യി ഇ​ന്ത്യ​യി​ലേ​ക്ക് വ​ന്ന​വ​ര്‍​ക്ക് പൗ​ര​ത്വം ന​ല്‍​കി​യി​ട്ടു​ണ്ട്. അ​തി​നു ഭേ​ദ​ഗ​തി കൊ​ണ്ടു​വ​രേ​ണ്ട ആ​വ​ശ്യ​മി​ല്ല. ജ​ന​ങ്ങ​ളു​ടെ അ​വ​കാ​ശം തു​ട​രാ​നു​ള്ള പോ​രാ​ട്ട​മാ​ണ്, അ​തു തു​ട​രും. പോ​ലീ​സ് ന​ട​ത്തു​ന്ന ക്രൂ​ര​ത​ക​ള്‍​ക്ക് ആ​രു മ​റു​പ​ടി പ​റ​യും?'-​ യെ​ച്ചൂ​രി ചോ​ദി​ച്ചു.

അതേസമയം, പൗരത്വ ഭേദഗതി വിഷയത്തില്‍ പ്രധാനമന്ത്രി നരേന്ദ്ര മോദിയെ വിമര്‍ശിച്ച്‌ മുഖ്യമന്ത്രി പിണറായി വിജയനും രംഗത്തെത്തി. ജാതിയും മതവുമല്ല പദ്ധതികള്‍ നടപ്പാക്കുന്നതിന്റെ മാനദണ്ഡമെന്ന് പറയുന്ന പ്രധാനമന്ത്രി നരേന്ദ്രമോദി അത് പ്രവൃത്തിയിലാണ് തെളിയിക്കേണ്ടതെന്ന് മുഖ്യമന്ത്രി തന്‍റെ ഫേസ്ബുക്ക് പേജിലൂടെ പറഞ്ഞു.

ജനങ്ങളെ മതാടിസ്ഥാനത്തില്‍ വിഭജിക്കുന്ന ഭരണഘടനാ വിരുദ്ധവും ജനാധിപത്യ വിരുദ്ധവുമായ നീക്കങ്ങള്‍ക്കെതിരെയാണ് രാജ്യത്ത് പ്രതിഷേധം അലയടിക്കുന്നത്. ഇന്ത്യന്‍ പൗരത്വം നിര്‍ണ്ണയിക്കുമ്പോള്‍ ഒരു മതം എങ്ങനെ അയോഗ്യമാകുന്നു എന്ന ജനങ്ങളുടെ ചോദ്യത്തിനാണ് ഉത്തരം വേണ്ടത്. തെറ്റായ സമീപനത്തെയും വര്‍ഗീയ നീക്കങ്ങളെയും കുറിച്ച്‌ ജനങ്ങള്‍ ചോദ്യങ്ങള്‍ ഉന്നയിക്കുമ്പോള്‍ വസ്തുനിഷ്ഠമായ മറുപടികള്‍ക്ക് പകരം വികാരപ്രകടനം കൊണ്ട് നേരിടാമെന്നത് ആശാസ്യമായ രീതിയല്ലെന്ന് മുഖ്യമന്ത്രി പറഞ്ഞു. ഡല്‍ഹി രാംലീലാ മൈതാനിയിലെ നരേന്ദ്ര മോദിയുടെ പ്രസംഗവുമായി ബന്ധപ്പെട്ടായിരുന്നു മുഖ്യമന്ത്രിയുടെ വിമര്‍ശനം.

ഫേസ്ബുക്ക് പോസ്റ്റിന്‍റെ പൂര്‍ണ്ണ രൂപം:

ജാതിയും മതവുമല്ല പദ്ധതികള്‍ നടപ്പാക്കുന്നതിന്റെ മാനദണ്ഡമെന്ന് പറയുന്ന പ്രധാനമന്ത്രി നരേന്ദ്രമോദി അത് പ്രവൃത്തിയിലാണ് തെളിയിക്കേണ്ടത്. ജനങ്ങളെ മതാടിസ്ഥാനത്തില്‍ വിഭജിക്കുന്ന ഭരണഘടനാ വിരുദ്ധവും ജനാധിപത്യ വിരുദ്ധവുമായ നീക്കങ്ങള്‍ക്കെതിരെയാണ് രാജ്യത്ത് പ്രതിഷേധം അലയടിക്കുന്നത്. ഇന്ത്യന്‍ പൗരത്വം നിര്‍ണ്ണയിക്കുമ്പോള്‍ ഒരു മതം എങ്ങനെ അയോഗ്യമാകുന്നു എന്ന ജനങ്ങളുടെ ചോദ്യത്തിനാണ് ഉത്തരം വേണ്ടത്.

തെറ്റായ സമീപനത്തെയും വര്‍ഗീയ നീക്കങ്ങളെയും കുറിച്ച്‌ ജനങ്ങള്‍ ചോദ്യങ്ങള്‍ ഉന്നയിക്കുമ്പോള്‍ വസ്തുനിഷ്ഠമായ മറുപടികള്‍ക്ക് പകരം വികാരപ്രകടനം കൊണ്ട് നേരിടാമെന്നത് ആശാസ്യമായ രീതിയല്ല. പൗരത്വ ഭേദഗതി നിയമത്തെയും ദേശീയ പൗരത്വ രജിസ്റ്ററിനെയും കുറിച്ച്‌ ആഭ്യന്തര മന്ത്രി അമിത് ഷാ പറഞ്ഞ കാര്യങ്ങള്‍ മൂടിവെയ്ക്കാന്‍ എന്തിന് ശ്രമിക്കുന്നു?

ഇന്ത്യന്‍ ഭരണഘടനയെയും അതിന്റെ അടിസ്ഥാന തത്വങ്ങളെയും സംരക്ഷിക്കാനുള്ള പ്രതിജ്ഞാ ബദ്ധത രാജ്യത്തെ ഭൂരിപക്ഷം ജനങ്ങളും നെഞ്ചേറ്റുകയാണ്. ആ വികാരത്തെ കുറച്ചുകാണരുത്; തെറ്റായി ചിത്രീകരിക്കുകയുമരുത്.

നോട്ട് നിരോധനകാലത്ത് അമ്പത് ദിവസം തരൂ എന്ന് പ്രസംഗിച്ച പ്രധാനമന്ത്രി പിന്നീട് അക്കാര്യം മിണ്ടിയിട്ടില്ല. അന്നത്തെ അതേ വികാരപ്രകടനമാണ് ഇപ്പോഴും കാണുന്നത്. കള്ളനോട്ട്, കള്ളപ്പണം, ഭീകരത എന്നായിരുന്നു നോട്ട് നിരോധനത്തെ ന്യായീകരിക്കാന്‍ നിരത്തിയ പ്രതീകങ്ങള്‍. അവയുടെ ഇന്നത്തെ അവസ്ഥ എന്തായി എന്ന് കൂടി പ്രധാനമന്ത്രിയില്‍ നിന്ന് കേള്‍ക്കാന്‍ ജനങ്ങള്‍ ആഗ്രഹിക്കുന്നു.