തി​രു​വ​ന​ന്ത​പു​രം: പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രെ സൂ​പ്പ​ര്‍ സ്റ്റാ​ര്‍ മ​മ്മൂ​ട്ടി​യും കമല്‍ഹാസനും രം​ഗ​ത്ത്. ‌ജാ​തി​ക്കും മ​ത​ത്തി​നും അ​തീ​ത​മാ​യി ഉ​യ​രാ​ന്‍ ക​ഴി​ഞ്ഞാ​ലേ ന​മു​ക്ക് ഒ​റ്റ രാ​ഷ്ട്ര​മാ​യി മാ​റാ​ന്‍ ക​ഴി​യൂ എ​ന്ന് മ​മ്മൂ​ട്ടി പ​റ​ഞ്ഞു. ഒ​രു​മ​യു​ടെ ആ​ത്മാ​വി​നെ ന​ശി​പ്പി​ക്കു​ന്ന എ​ന്തി​നെ​യും നി​രു​ത്സാ​ഹ​പ്പെ​ടു​ത്ത​ണ​മെ​ന്നും അ​ദ്ദേ​ഹം ആ​ഹ്വാ​നം ചെ​യ്തു. മ​മ്മൂ​ട്ടി​യു​ടെ മ​ക​നും ന​ട​നു​മാ​യ ദു​ല്‍​ഖ​ര്‍ സ​ല്‍​മാ​നും വി​ഷ​യ​ത്തി​ല്‍ നേ​ര​ത്തെ ഫേ​സ്ബു​ക്കി​ലൂടെ പ്ര​തി​ക​ര​ണം ന​ട​ത്തി​യി​രു​ന്നു.

മ​തേ​ത​ര​ത്വ​വും ജ​നാ​ധി​പ​ത്യ​വും തു​ല്യ​ത​യും ന​മ്മു​ടെ ജ​ന്മാ​വ​കാ​ശ​മാ​ണെ​ന്നും അ​തു ത​ക​ര്‍​ക്കാ​നു​ള്ള ഏ​തു ശ്ര​മ​ത്തെ​യും ചെ​റു​ക്കേ​ണ്ട​തു​ണ്ടെ​ന്നും ദു​ല്‍​ഖ​ര്‍ പ​റ​ഞ്ഞു. ​'മ​തേ​ത​ര​ത്വം, ജ​നാ​ധി​പ​ത്യം, തു​ല്യ​ത എ​ന്നി​വ ന​മ്മു​ടെ ജ​ന്മാ​വ​കാ​ശ​മാ​ണ്. അ​തു ത​ക​ര്‍​ക്കാ​നു​ള്ള ഏ​തു ശ്ര​മ​ത്തെ​യും ന​മു​ക്കു ചെ​റു​ക്കേ​ണ്ട​തു​ണ്ട്. എ​ന്തൊ​ക്കെ​യാ​യാ​ലും ന​മ്മു​ടെ പാ​രമ്പ​ര്യം അ​ഹിം​സ​യാ​ണ്. സ​മാ​ധാ​ന​പ​ര​മാ​യി പ്ര​തി​ഷേ​ധം ന​ട​ത്തു​ക, ന​ല്ലൊ​രു ഇ​ന്ത്യയ്​ക്കു വേ​ണ്ടി നി​ല​കൊ​ള്ളു​ക.'- അ​ദ്ദേ​ഹം കു​റി​ച്ചു.

'ഈ ​അ​തി​ര്‍​ത്തി​ക്കു​മ​പ്പു​റം ന​മ്മ​ളെ ഇ​ന്ത്യ​ന്‍ എ​ന്നു വി​ളി​ക്കും' എ​ന്ന അടിക്കുറിപ്പോടെ ഇ​ന്ത്യ​യു​ടെ ഭൂ​പ​ട​ത്തി​ന്‍റെ ചി​ത്ര​വും അ​ദ്ദേ​ഹം ഇ​തോ​ടൊ​പ്പം പോ​സ്റ്റ് ചെ​യ്തി​ട്ടു​ണ്ട്.

രാജ്യം അപകടകരമായ അവസ്ഥയിലാണെന്നും ഐ.സി.യുവിലാണെന്നും പൗരത്വ നിയമഭേദഗതിക്കെതിരെ പ്രതിഷേധിച്ച ജാമിഅ മില്ലിയ ഇസ്‌ലാമിയ സര്‍വകലാശാലയിലെ വിദ്യാര്‍ഥികള്‍ക്ക് പിന്തുണച്ചുകൊണ്ട് നടനും മക്കള്‍ നീതി മയ്യം പാര്‍ട്ടി അധ്യക്ഷനുമായ കമല്‍ഹാസന്‍ പറഞ്ഞു.

യുവജനങ്ങള്‍ കാര്യങ്ങള്‍ മനസ്സിലാക്കുകയും രാഷ്ട്രീയത്തെ ചോദ്യം ചെയ്യുകയും വേണം. രാഷ്ട്രീയം സര്‍വ്വസ്വാപകവും നമ്മെ ഓരോരുത്തരേയും ബാധിക്കുന്നതുമാണ്. യുവത ചോദ്യങ്ങള്‍ ചോദിക്കുന്നതില്‍ തെറ്റില്ല. ചോദ്യങ്ങള്‍ അടിച്ചമര്‍ത്തുമ്പോഴാണ് ജനാധിപത്യം അപകടത്തിലാവുന്നത്- കമല്‍ഹാസന്‍ വാര്‍ത്താസമ്മേളനത്തില്‍ പറഞ്ഞു.

ഇപ്പോഴും ഒരു വിദ്യാര്‍ഥിയെന്ന നിലയില്‍ അവര്‍ക്കായി ശബ്ദമുയര്‍ത്തിക്കൊണ്ടിരിക്കുമെന്നും കമല്‍ ഹാസന്‍ പറഞ്ഞു. പൗരത്വ നിയമഭേദഗതിക്കെതിരായ പ്രതിഷേധം സംസ്ഥാനങ്ങളുടെ അതിര്‍ത്തിക്കപ്പുറവും രാഷ്ട്രീയത്തിനും പാര്‍ട്ടികള്‍ക്കും അതീതമായും ഉയരണം. ഇത് ദേശീയ വിഷയമാണെന്നും കമല്‍ പറഞ്ഞു. പോരാട്ടം എങ്ങനെ തുടരാനാണ് ഉദ്ദേശിക്കുന്നതെന്ന ചോദ്യത്തിന് ശശിയായ ദിശയില്‍ നിയമപോരാട്ടവുമായി മുന്നോട്ടുപോകുമെന്ന് താരം മറുപടി നല്‍കി. തന്റെ പാര്‍ട്ടിയായ മക്കള്‍ നീതി മയ്യം സുപ്രിംകോടതിയില്‍ ഹരജി നല്‍കിയിട്ടുണ്ടെന്നും അദ്ദേഹം വ്യക്തമാക്കി.

മത അടിസ്ഥാനത്തില്‍ പൗരത്വം നല്‍കുന്നതു ഭരണഘടനാ വിരുദ്ധമാണെന്നും രാജ്യത്തിന്റെ മതനിരപേക്ഷതയെ അതു ബാധിക്കുമെന്നും ചൂണ്ടിക്കാട്ടിയാണ് മക്കള്‍ നീതി മയ്യം സുപ്രിംകോടതിയില്‍ ഹരജി നല്‍കിയിരിക്കുന്നത്. പൗരത്വ നിയമഭേദഗതിക്കെതിരെ കമല്‍ഹാസന്റേത് ഉള്‍പ്പെടെ 17 ഹരജികളാണ് സുപ്രിംകോടതിയുടെ പരിഗണനയിലുള്ളത്.

നേ​ര​ത്തെ സി​നി​മാ താ​ര​ങ്ങ​ളാ​യ പൃ​ഥ്വി​രാ​ജ്, ഇ​ന്ദ്ര​ജി​ത്ത്, ടൊ​വി​നോ തോ​മ​സ്, കു​ഞ്ചാ​ക്കോ ബോ​ബ​ന്‍, പാ​ര്‍​വ​തി തി​രു​വോ​ത്ത്, റി​മ ക​ല്ലി​ങ്ക​ല്‍, ഷെ​യി​ന്‍ നി​ഗം തു​ട​ങ്ങി​യ​വ​ര്‍ സ​മ​ര​ത്തെ പി​ന്തു​ണ​ച്ച്‌ രം​ഗ​ത്തെ​ത്തി​യി​രു​ന്നു.