കൊ​ച്ചി: മ​ര​ടി​ലെ ഫ്ളാ​റ്റ് പൊ​ളി​ക്കാ​നു​ള്ള സു​പ്രീം​കോ​ട​തി ഉ​ത്ത​ര​വി​നെ​തി​രെ ഹൈ​ക്കോ​ട​തി​യി​ല്‍ റി​ട്ട് ഹ​ര്‍​ജി സ​മ​ര്‍​പ്പി​ക്കു​ന്ന​തി​നു പു​റ​മേ, ഫ്ളാ​റ്റ് ഉ​ട​മ​ക​ള്‍ രാ​ഷ്ട്ര​പ​തി​ക്കും പ്ര​ധാ​ന​മ​ന്ത്രി​ക്കും സ​ങ്ക​ട​ഹ​ര്‍​ജി ന​ല്‍​കും. ഇ​തോ​ടൊ​പ്പം സം​സ്ഥാ​ന​ത്തെ 140 എം​എ​ല്‍​എ​-മാ​ര്‍​ക്കും നി​വേ​ദ​നം ന​ല്‍​കാ​ന്‍ ഫ്ളാ​റ്റ് ഉ​ട​മ​ക​ള്‍ തീ​രു​മാ​നി​ച്ചു.

കു​ടി​യൊ​ഴി​പ്പി​ക്ക​ല്‍ സാ​മാ​ന്യ നീ​തി​ക്കെ​തി​രാ​ണെ​ന്നും മ​നു​ഷ്യാ​വ​കാ​ശ ലം​ഘ​ന​മാ​ണെ​ന്നും ചൂ​ണ്ടി​ക്കാ​ട്ടി​യാ​ണ് ഫ്ളാ​റ്റു​ട​മ​ക​ള്‍ ഹൈ​ക്കോ​ട​തി​യി​ല്‍ റി​ട്ട് ഹ​ര്‍​ജി സ​മ​ര്‍​പ്പി​ക്കു​ന്ന​ത്. ജ​ന​ങ്ങ​ളു​ടെ ജീ​വ​നും സ്വ​ത്തി​നും സം​ര​ക്ഷ​ണം ന​ല്‍​കാ​ന്‍ ഉ​ത്ത​ര​വാ​ദി​ത്ത​മു​ള്ള​വ​ര്‍ ത​ന്നെ നീ​തി നി​ഷേ​ധം കാ​ണി​ക്കു​ന്നു എ​ന്നും ഫ്ളാ​റ്റ് ഉ​ട​മ​ക​ള്‍ ഹൈ​ക്കോ​ട​തി​യെ അ​റി​യി​ക്കും. അ​ഞ്ച് ദി​വ​സ​ത്തി​ന​കം കു​ടി​യൊ​ഴി​യ​ണ​മെ​ന്ന് കാ​ട്ടി ഫ്ളാ​റ്റ് ഉ​ട​മ​ക​ള്‍​ക്ക് നോ​ട്ടീ​സ് ന​ല്‍​കി​യി​രു​ന്നു. എ​ന്നാ​ല്‍ ഭൂ​രി​ഭാ​ഗം പേരും കൈ​പ്പ​റ്റാ​ന്‍ വി​സ​മ്മ​തി​ച്ചു.

അ​തേ​സ​മ​യം, ഫ്ളാ​റ്റ് സ​മു​ച്ച​യ​ങ്ങ​ള്‍ പൊ​ളി​ക്കു​ന്ന​തു​മാ​യി ബ​ന്ധ​പ്പെ​ട്ട് സം​സ്ഥാ​ന സ​ര്‍​ക്കാ​ര്‍ സോ​ളി​സി​റ്റ​ര്‍ ജ​ന​റ​ലി​നോ​ട് നി​യ​മോ​പ​ദേ​ശം തേ​ടി​യ​താ​യും റി​പ്പോര്‍​ട്ടു​ണ്ട്. ക​ഴി​ഞ്ഞ ​ദി​വ​സം സു​പ്രീം​കോ​ട​തി​യി​ല്‍​ നി​ന്ന് ക​ര്‍​ശ​ന നി​ര്‍​ദേ​ശ​മു​ണ്ടാ​യ​തി​നു പി​ന്നാ​ലെ​യാ​ണ് സോ​ളി​സി​റ്റ​ര്‍ ജ​ന​റ​ല്‍ തു​ഷാ​ര്‍ മേ​ത്ത​യി​ല്‍ ​നി​ന്ന് സം​സ്ഥാ​ന സ​ര്‍​ക്കാ​ര്‍ നി​യ​മോ​പ​ദേ​ശം തേ​ടി​യ​ത്.

അതേസമയം, മരടിലെ ഫ്‌ളാറ്റില്‍ താമസിക്കുന്ന ആളുകള്‍ക്ക് പറയാനുള്ളത് സമാന്യ നീതിയുടെ തത്വങ്ങളനുസരിച്ച്‌ സുപ്രീം കോടതി കേള്‍ക്കണമെന്ന് മുന്‍ ഹൈക്കോടതി ജഡ്ജി ജസ്റ്റിസ് കെമാല്‍ പാഷ അഭിപ്രായപ്പെട്ടു. കെട്ടിടമല്ല പൊളിച്ച്‌ കളയുന്നത്. മറിച്ച്‌ അവിടെ താമസിക്കുന്നവരുടെ ജീവിതമാണെന്നും അദ്ദേഹം പറഞ്ഞു. പ്രതിഷേധ സമരം നടത്തുന്ന മരട് ഫ്‌ളാറ്റ് ഉടമകളെ സന്ദര്‍ശിക്കാനെത്തിയതായിരുന്നു അദ്ദേഹം.

വിധി ബാധിക്കുന്നവരെ കേള്‍ക്കാതെയുള്ള ഉത്തരവാണ് സുപ്രീംകോടതിയുടേത്. അനുച്ഛേദം 142 അനുസരിച്ച്‌ സുപ്രീംകോടതിക്ക് സമ്പൂര്‍ണ നീതി ഉറപ്പാക്കാന്‍ അവകാശമുണ്ട്. ഇതനുസരിച്ച്‌ ഫ്‌ളാറ്റില്‍ താമസിക്കുന്നവര്‍ക്കുള്ള സംരക്ഷണം കൂടി നല്‍കി കൊണ്ടുള്ള ഉത്തരവിടാമായിരുന്നു. തിരുത്തല്‍ ഹര്‍ജിയിലൂടെ ഈ നീതി ഫ്‌ളാറ്റ് ഉടമകള്‍ക്ക് ലഭിക്കുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.