പ്രോഗ്രാം സൂപ്പർവൈസർമാരെ കരാറടിസ്ഥാനത്തിൽ നിയമിക്കുന്നതിന് അപേക്ഷ ക്ഷണിച്ചു. കോളേജ് വിദ്യാഭ്യാസ വകുപ്പിനു കീഴിലുള്ള സർക്കാർ കോളേജ് ലൈബ്രറികളുടെ സമഗ്രവികസനത്തിന് ആവിഷ്കരിച്ച അപ്ഗ്രഡേഷൻ ഓഫ് ഗവൺമെൻറ് കോളേജ് ലൈബ്രറി ആസ് ഇൻറഗ്രേറ്റഡ് ലേണിങ് റിസോഴ്സ് സെൻറർ എന്ന പദ്ധതിയുടെ നടത്തിപ്പിന് വേണ്ടിയാണ് നിയമനം. 15,000 രൂപയാണ് പ്രതിമാസ വേതനം. 10 ഒഴിവുകളാണ് റിപ്പോർട്ട് ചെയ്തിരിക്കുന്നത്.

യോഗ്യത: എം എൽ ഐ എസ് സി (നെറ്റ്/ പി എച് ഡി അഭികാമ്യം), കോളേജ് ലൈബ്രേറിയനായി 5 മുതൽ 10 വർഷത്തെ പരിചയം വേണം. വ്യാപകമായി സഞ്ചരിക്കാനാകണം. 60 വയസ്സിനു താഴെയായിരിക്കണം പ്രായം. ബയോഡേറ്റ, വിദ്യാഭ്യാസ യോഗ്യത, പ്രായം എന്നിവ തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ ഉൾപ്പെടുത്തി ഡിസംബർ 15ന് മുമ്പ് കിട്ടുന്ന വിധത്തിൽ അപേക്ഷിക്കണം.

അപേക്ഷിക്കേണ്ട വിലാസം: കോളേജ് വിദ്യാഭ്യാസ ഡയറക്ടർ, കോളേജ് വിദ്യാഭ്യാസ ആസ്ഥാന കാര്യാലയം, ആറാം നില. വികാസ് ഭവൻ, തിരുവനന്തപുരം-695013.