തിരുവനന്തപുരം: സര്‍ക്കാരിനും തിരുവിതാംകൂര്‍ ദേവസ്വം ബോര്‍ഡിനുമെതിരെ വ്യാജ പ്രചരണങ്ങളുടെ ഘോഷയാത്രയാണ് ചിലര്‍ സംഘടിപ്പിക്കുന്നതെന്ന് മന്ത്രി കടകംപള്ളി സുരേന്ദ്രന്‍ വാര്‍ത്താലേഖകരോട് പറഞ്ഞു. മണ്ഡല, മകരവിളക്ക് കാലത്ത് 60 ദിവസത്തേക്ക് താത്കാലിക ജീവനക്കാരെ വര്‍ഷങ്ങളായി നിയമിക്കാറുണ്ട്. അതിന് ദേവസ്വംബോര്‍ഡ് നിയമിക്കുന്നത് സി.പി.എം പ്രവര്‍ത്തകരെയല്ല. വര്‍ഷങ്ങളായി കഠിനമായ ഈ ജോലി ചെയ്യാന്‍ സന്നദ്ധരായെത്തുന്നവരെയാണ്.

മുന്‍കാലങ്ങളില്‍ ജോലി ചെയ്തിട്ടുള്ളവരാണിവര്‍. ദേവസ്വംബോര്‍ഡ് പ്രസിഡന്‍റ് രാജി വയ്ക്കുന്നുവെന്ന വാര്‍ത്തകളും ഈ വ്യാജ പ്രചരണങ്ങളുടെ ഭാഗമാണ്. പ്രതിസന്ധികളും പ്രശ്നങ്ങളും സധൈര്യം നേരിട്ട് പ്രസിഡന്‍റ് ബോര്‍ഡിനെ തുടര്‍ന്നും നയിക്കുമെന്നും മന്ത്രി പറഞ്ഞു. സ്ഥിരമായി ഈ ജോലി ചെയ്യുന്നവരാണ് എല്ലാ വര്‍ഷവും തുച്ഛവരുമാനം ലഭിക്കുന്ന ജോലിക്കെത്തുന്നത്. കഷ്ടം പിടിച്ച പണിയാണ്.